Mojo第一個無得賞月既中秋節 (Sept 8, 2014)

祝大家中秋節快樂, 人月兩團圓!

個豬仔餅媽媽特登買比我架, 不過月餅就無我份啦!

月餅無我份, 咁我唯有食住燈籠先啦!

一年容易又中秋! 今年中秋節多左Mojo一齊慶祝, 媽媽除左買左由香港運黎既奇華月餅外, 仲買左個豬仔餅比Mojo, 加上姑姐又買左個燈籠比Mojo, 都叫做準備好一切啦!

加州好耐都無落雨啦, 仲制水添, 估唔到今朝終於都落左一陣雨. 由於成日都陰天, 爸爸話月光比雲遮住左, 所以我地無得去後園賞月啦!

同爺爺、嫲嫲一齊做節, 跟住玩燈籠!

Mojo好叻, 自己攞燈籠玩!

鬼鬼祟祟偷蕃薯

無你份, 吹咩!

香港造架, 個鹹蛋黃好似比呢邊做既奇華油!

循例都要影吓全家福, 但自拍影得好辛苦架!

媽媽趁Mojo瞓左, 同爸爸去前園賞左十秒鐘月光咁大把!

慶祝雙滿月 (June 16, 2014)

Mojo兩個月啦, yeah yeah yeah!!!

由於今媽唔舒服, 所以呢兩個禮拜佢無過黎幫手, 所以我係絶對變成左ftm. 上個禮拜仲煮埋飯添, 不過家務就仍然無做既!

今日係Mojo兩個月, 亦都係我第一次自己一個開車帶佢去街. 首先去左Toysrus, 因為Katy話o個度有clearance, 咁我想買份禮物比Mojo. 不過, 都睇唔啱, 一來無乜野特價, 二來又唔啱兩個月既bb玩!

Mojo第一次去Toysrus!

之後, 就同Mojo去左買佢兩個月生日既蛋糕啦! 有一驚險事係原來我去完Toysrus後係無幫Mojo扣返好carseat既安全帶既, 但我係去緊間cake shop既途中先醒起, 又差唔多到啦, 所以都係小心開車去到目的地先! 呢件事之後, 我一定要好好提醒自己幫佢檢查清楚先可以開車!!!

夜晚約左Uncle Brian一齊慶祝Mojo既雙滿月, 順便多謝佢Baby Shower時幫我地影相.
咁啱又係Dine LA既時候, 今仔揀左響Disney Concert Hall既Patina黎響祝.

平時Mojo同我地出去食飯, 佢都會乖乖瞓覺, 瞓到唔知醒食野既, 但唔知佢係唔係知道自己係今晚既主角呢, 所以又唔肯瞓覺, 又好快肚餓.

1st Appetizer: Chips and Dip, Tomato Salad

Chips 係由三文魚皮整成好薄, 但個dip就酸左D又唔夠牛油果味!

 2nd Appetizer: Shellfish Linguini, White Corn Agnolotti, Santa Barbara Spot Prawns
White Corn Agnolotti 好似ravioli, 味道好特別, 但個portion實在太細, 我地笑左好耐! 蝦好彈牙, 比平時食既蝦鮮甜, 值得推介!

Main Course: Wild Sea Bass, Calamari A La Plancha, Veal Tongue A La Pobre, Braised Pork Belly
反而main course真係麻麻 ,sea bass唔夠滑, 牛脷太乾, pork belly鹹到爆!

Dessert: Strawberries and Cream, Candy Bar
甜品其實無咩特別, 反而一開始送既凍湯, 真係唔錯, 但又係太細分!

由於搞到成十一點幾先返到屋企, 連本來買左同Mojo慶祝既蛋糕都無攞到出黎食, 唯有聽晚再繼續自家慶祝啦!

入院催生記 (May 16, 2014)

上回講到我book左5月16星期五入院催生!

護士叫我之前o個晚食完晚餐後, 第二朝就唔可以食早餐. 本來我係諗住去食大餐, 但最後只係去左Tokyo Wako食燒烤. 本來想返屋企焗甜品食, 但又太夜. 不過, 我都開左部麵包機焗左第一個方飽!

 My last meal before induction

First DIY bread - 成為左今仔響醫院時既乾糧

5/16 朝早五點就要去醫院登記, 理論上我同今仔之前o個晚應該好早休息去預備第二日既作戰, 但我地兩個都有d擔心, 又緊張又期待, 所以都無乜點瞓. 去到凌晨時分時, 今仔仲問我其實我地既決定係唔係啱既呢?!! 係唔係應該比多d時間Mojo自己出黎呢???

去到5/16當日.....

我四點鐘就起左身洗頭沖涼準備, 下次再沖涼應該係十二朝後!

5:15am 我同今仔就去到醫院搞入院手續啦, 而我既媽媽由於怕血腥場面, 所以都唔會跟我入產房. 基本上我地出門口時, 佢仲瞓緊覺, 所以我都無同佢say goodbye! 同埋, 佢係驚自己一個人響屋企過夜既, 所以除左要準備自己入院既物品以外, 我仲要安排埋奶奶車媽咪出去食lunch, 同帶媽咪去奶奶屋企過夜!

6:00am 上到產房, 護士問左我一d問題, 例如: 有無藥物敏感, pain management同breastfeeding. 之後, 佢就幫我插血管做點滴. 雖然我平時有捐開血, 但唔知點解插管做點滴時, 我反而5怕會痛, 不過原來係一d都唔痛架! 跟住, 護士就幫我check下子宮口開到幾多度, 同預產期Dr. Yu check既一樣仲係開左3度.

 啱啱入院, 護士攞緊我D資料.

插左豆響手, 吊緊IV.

7:00am 開始吊藥，護士轉更, 每半小時加重一次藥

9:00am 去廁所時，發現部機條綫唔夠長去唔到馬桶. 跟住我就call護士, 佢教我抆晒插住部機既綫, 之後插返就得啦! 點知去完洗手間，插返d綫無幾耐，落藥部機個alarm響，我地仲以為自己插錯綫定點，即刻叫護士，不過原來唔關我地事!

 

今仔負責幫我抆喉同插喉.

我覺得成日瞓響牀好唔舒服, 於是駁住d綫坐響梳化，再瞓左陣繼續等陣痛!

10:00am 藥加到最重

11:30am nurse checked on screen and asked if I can feel the contraction happening right now
I was standing up playing cell phone and said no
She said I was already having contraction every 5 mins, but I was still sleeping earlier
If natural birth, this should be the time to go into hospital
I joked with hubby, probably it's better to be induced, as I may still be sleeping when having contraction in every 5 mins

11:35am nurse called Dr. Yu, and Dr. Yu approved to increase medicine, so I can get stronger contraction

12:30pm 終於feel到contraction了, 但唔係好強, 少少痛同有d唔舒服咁!

今仔既lunch, 厚多士!

1:00pm 加藥加到42，14 milliunit/min
The nurse said the contraction is right, but kind of space out and less frequent than before, so need to put more medicine to make it more frequent

3:15pm Dr. Yu 黎左, 幫我睇下面, 開左3.5-4度，再人手穿水，baby station at -1

Dr. Yu 用一支白色既膠冷針幫我穿水, 不過一d都唔痛架!

原來穿水既感覺真係好似癩尿架! 有好多暖既水湧出黎.

其實過左成朝, 我覺得最辛苦既係捱肚餓, 因為我已經18個鐘無食野啦, 再係咁餓落去, 我驚我無力生! 睇醫生時問Dr. Yu, 佢話有jello食架, 點知入到院, 姑娘淨係比ice chips我食, 想餓死我咩!

終於等到Dr. Yu黎幫我穿水啦!

見到Dr. Yu, 我仲唔拿拿臨問佢可唔可以食野咩, 好彩佢話可以食少少, 仲帶埋今仔去廚房攞添!

 本來只可以食ice chips

 Dr. Yu特准下, 終於有野食啦!

5pm 再攞野食時已被護士警告, 唔可以食太多!

陣痛既感覺開始越黎越強同越黎越頻密, 我要坐下自備既yoga ball, 同用之前上堂學既唔同position同呼吸法舒緩痛楚啦!

5:45pm nurse checked, dilated at 6cm, expecting to deliver baby at 9pm

6:30 contraction too strong and too frequent, wanna poo too, so finally requested epidural

陣痛越黎越頻密! 之前五分鐘痛一分鐘, 我仲可以抖下氣, 但家陣真係密到連抖氣既機會都無, 我連講野都講唔到啦! 除左痛既感覺外, 我仲覺得好想爆石咁, 但之前聽我朋友講過, 係唔可以用力住, 要等開晒十度先, 所以其實最辛苦係忍住唔比痾!!!

姑娘入黎問我有幾痛, 同需唔需要任何pain management, 今仔見我咁辛苦, 就同我講不如打epidural啦! 雖然我真係好痛, 但我諗而家打咪前功盡廢, 我捱左咁耐, 妨且由話要打到無痛生效都要成粒鐘喎! 於是, 姑娘就話不如你地再傾下先, 佢五分鐘後再入黎睇下我地最後既決定!

經過同今仔既商量後, 我地都決定打epidural, 因為驚再咁樣又痛又餓既狀況下, 我會唔夠力又唔夠氣生, 抖得個半鐘留力去push都好, 唔係到時push唔到, 要開刀仲麻煩!

到個護士入黎時, 今仔就同佢講我要打epidural, 但由於佢係學護, 所以等左一陣之後, 佢就叫左佢個mentor入黎. 

6:45pm Mentor護士話知我有poop既感覺, 可能差唔多要生, 所以佢話幫我check下開到幾多先. 當時我係企左響度, 上半身伏響餐枱上, 當佢地一揭起我件袍時, 原來我已經成腳血. 到上到牀check度數時, 已經開到9.75度, 跟住佢地就即刻call doctor啦!

6:55pm Dr. Yu 黎到一check就話已經開多過十度, 可以開始push, 但要等佢地set up好晒先. 佢地校好張牀, 同埋要set好個架比我放腳上去. 最搞笑係放我右腳個架有粒縲絲鬆左, 搖下搖下, Dr. Yu仲問個護士點解仲未整好, 好明顯個架都鬆左一排架啦! 今仔除左做我個coach幫我count down, 又同我打氣之餘, 仲比Dr. Yu吩咐佢負責托住我條頸, 等我個下巴貼住個身體黎用力, 而我就要負責托住自己既大肶, 同每一次陣痛黎時, 我要忍住呼吸10秒去push, 再重覆3次, 務求每次contraction都要push到3次. 話說其實黎到呢個時候, 我並唔係太feel到contraction, 不過每次我覺得有唔舒服時, 我都會話比今仔知, 佢就會話比Dr. Yu聽, 跟住再幫我count down. 成個push既過程, 我都係瞇埋眼, 專心用力push同聽住Dr. Yu既指示.

聽返今仔講原來我第一下push時, Mojo個頭已然出左黎, 當然唔係成個出晒啦! 之後o個2-3次push, 完全無進展, 跟住Dr. Yu就話Mojo既心跳開始跌, 試多兩次都唔得既話, 就要同我吸佢出黎. 聽到Dr. Yu咁講時, 其實我心諗你吸就吸啦, 但我都有盡我最大既力氣去痾佢出黎既, 之後Mojo既心跳又正常返, 而我亦響指定兩次陣痛時生左Mojo出黎啦!

以前睇電視劇, d媽媽生時咪會大叫唔生既, 又會捉實老公隻手, 但呢d原來都係做戲架! 因為我對手要用黎捉住自己對腳黎用力, 下巴又要貼實身體, 跟本就唔可以捉住今仔隻手黎咬, 而且仲要留返啖氣去push, 邊有機會大叫同講野呀!

生既時候, 我唯一講過既兩句說話, 就係響Mojo個頭出晒黎時, 我叫左一聲:「好痛呀!」
跟住到佢個膊頭出黎時, 我再講左一句: 「真係好痛呀!」, 但都無人理我囉!!!
之後就聽到Mojo既喊聲同我感覺一身鬆晒. 直到呢一刻我先張開眼, 跟住當Dr. Yu幫我按肚清胎盤同聯針時, 護士就將已抹身既Mojo放響我心口skin to skin啦!

講真當刻我真係無咩感覺, 可能真係又痛又攰又肚餓啦, 無感動又無喊! 今仔見我無反應呆左, 仲係咁拍我塊面, 好衰呀!

Dr. Yu話同我聯左30針, 不過原來佢平均都會聯20針. 唔知係唔係呢邊同美國既聯針法唔同呀, 定係計法唔同, 香港通常都係聯幾針啫, 所以當契媽同99聽到我聯30針都話無可能咁多! 以前聽人講生BB最痛係剪下邊同聯針, 不過我又唔覺得痛喎, 最痛都係Mojo個頭同膊頭出黎時!

張開眼後先知原來個產所有好多護士, 可以咁啱又到左7pm交更時間. 後來聽Dr. Yu巡房時講, 原來佢地已set好晒儀器, 準備隨時吸Mojo出黎, 但估唔到我咁叻可以咁快push到BB出黎!

當所有野都差唔多搞掂時, 護士就問我仲有咩需要. 由於我太肚餓啦, 我仲唔即刻問佢地攞野食咩, 但佢地話cafeteria可能閂左, 可能得返三文治. 唔理啦, 攞左黎食左頂肚先. 與此同時, 今仔亦打去同6299同我阿媽報喜, 我仲叫佢地攞飯過黎比我食, 睇黎我真係好肚餓... hehe!

Mojo被放在我懷中skin to skin

 
第一張全家幅

 我回魂啦, 開始同住響我個肚十個月(40 weeks 3 days)既Mojo傾計!

 Mojo第一次沖涼

First official family portrait

Prenatal Visit on Expected Due Date: May 13, 2014

今日已經係預產期啦, 但Mojo完全無出黎既動靜. 自從37週檢查時發現開左一度, 醫生又話Mojo已經落左盤. 到38週時開左兩度, 搞到我地個個好緊張, 以為佢會早過預產期出世, 到39週時, 已開到3度, 連我阿媽都過埋黎, Mojo都係唔願意出黎.

由於已到預產期, 所以可以照埋最後一次照聲波, 睇下Mojo既size.
Dr. Yu預計Mojo當時既size係3.3-3.5kg, 7lb11oz. 佢話呢個係underestimated, 即係話Mojo可能會比預計中更重. 原來過左預產期後, Mojo係會以每日1 oz既速度增長.

Mojo size on EDD: Head 37 weeks, Waist 38 weeks, Legs 39 weeks
繼續做長腿BB
Standing Position已去到-1, 個頭已落到好低, dilated 3cm (just like last Friday)

其實我最驚就係Mojo太大, 我怕自己唔夠力push, 因為Dr. Yu一開始就要我控制體重, 仲警告我亞洲女性最多只係可以生到7 lb既BB, 一過左7 lb, 就會好難push. 佢有d病人push左三個鐘但都唔夠力生, 因為胎太大, 搞到最後都要開刀.

由於Mojo已正式逾期居留, 所以Dr. Yu就講解下呢邊催生既文化啦! 佢話美國呢邊係可以第到42 weeks先催生既, 佢話我而家胎水夠, 其實係可以等下. 雖然佢係講到好open, 都所有決定都up to us咁, 但都今仔再問Dr. Yu一次佢既建議係咩時, 佢好堅定咁答催生. 之後, 就叫我地相量一下, 再出去同護士約日子催生. 今仔同我都諗住約一個星期後, 因為我地覺得如果Mojo呢幾日會自己出黎咪唔駛催生囉! 妨且我EDD係星期二, 咁Dr. Yu又話最好唔好約weekend, 星期四Dr. Yu會同佢病人開刀, 星期三醫院又未必有位, 咁好順理成章約一星期後既520. 最主要其實我地唔想用藥迫Mojo出黎, 雖然Dr. Yu已話對胎兒無影響, 同埋又可以揀520 (我愛你)呢個咁有意思既日子.

當下晝護士打黎話已幫我book左醫院520催生, 我地以為一切都已安排好時, 下晝五點幾竟然接到Dr. Yu電話. 佢有d惡咁問我地做咩要等到一個星期後先催生, 仲話已經同我先生講得好清楚.佢仲話there is no benefit of waiting, 因為已過EDD, 個胎會越黎越大, 胎水會濁, 最後佢話唔好話我無警告過你到時會好難push, 就算push到, 下面都可能會爛晒!

聽完Dr. Yu咁講, 我就問左我個香港醫生朋友意見. 佢既答覆同Dr. Yu完全一樣!
My freind's reply:
Induce these two days would be a good choice since baby is mature enough and cervix is favorable. Though waiting till next week would usually be safe, there is no obvious benefit to wait.
同今仔商量左一晚後, 我地決定第二朝一早打返去clinic約星期五(5/16)催生啦!

Last In-N-Out meal before Mojo comes out!

Mojo is too BIG?!! March 20, 2014 - 32 Weeks Day 2

今次產檢肥左三磅, 醫生話可以接受, 但當醫生用軟尺量度肚既長度時, 佢竟然話Mojo既size比佢既週數大左兩週. 醫生再次提醒我要少食甜, 同做多D運動, 例如每日行三十分鐘. 佢話上次產檢, 佢已經寫低左個note落個folder度, 就係驚我個胎太大, 到時會難生.

莫非花膠真係會長胎??? 我只係每星期食一次花膠燉鮮奶, 又無食其他補品, 連雞蛋同鮮奶都唔係日日食.

定係學今仔話齋, Mojo得到佢家族遺傳, 所以係大B??? 今仔出世時有9磅, 而佢個妹出世時都有8磅.

等我呢兩個星期做多D運動, 飲少D汔水, 食少次花膠燉鮮奶, 睇下Mojo會唔會無咁巨先!

Mojo is Amazing! (Week 23 Day 5)

I feel like Mojo is not kicking as often throughout the day as before, especially on Jan 20 (Monday) and Jan 21 (Tuesday). On Monday, I could only feel his kick in the morning after I starved myself till 11am. He finally kicked me once I started eating breakfast. Then, I didn't remember any other movements after. I really worried especially when Johans asked me after dinner if Mojo has kicked. However, when I was talking to Mojo and asking him to kick me so I know that he is doing great in my belly, Mojo actually responded immediately. It's not just me who could feel it, but also Johans. Both of us were amazed by how great Mojo is. He is really a good boy!!! 

Today, I actually didn't feel his kicks during the day which I was teaching. Even when I have a free period, I still didn't feel him kicking during that time, so when it came to the last period I was searching on the internet to see if I should start doing some kick counting. It seems like Mojo knows that I worried about him, so he began to kick and kicking more often throughout the period to show me that he is doing fine. I believe he says, "Mama, don't worry! I am doing great in your belly."

Thank you Mojo for being such a good boy! You really need to stay healthy and grow happily, so mom and dad can meet you in May!