星期日留左響聖堂全日. 九點半去到, 差唔多下晝五點先離開. 望完彌撒後, 去左retreat(退省), 準備復活節領洗!
其實每次聚會, 修女都會好有心機咁為我地準備名牌同一d聖經語句.
第一句係1/13兒童道理班開會時收到的, 第二句係琴日攞名牌時後邊寫住既, 第三句係完結時神父派post card時, 背面貼住既!
我覺得呢三句都好能形容我現在既心情, 想法! 現階段既我的而且確係好滿足, 好多從前想要想求的都已經擁有, 就如第一句所寫的一無所缺!
第二句正好回應了第一句, 因為從前祈禱的, 大部分都應驗了! 當然唔係一祈禱, 就即刻願望成真, 有d可能要幾年先成事, 但亦都可以話祈禱係真係有用架!
第三句係提醒我繼續做好事, 唔只係捐錢方面, 亦都要響日常生活中做好事!
回想當日從未拍拖既我, 心想如果能搵到一個大我四年既天主教徒做我男朋友就好啦! 點知今仔就乎合晒呢個要求.
跟住, 同今仔去上婚前輔導, 佢既一幅畫入邊畫左將信仰帶到我地既家庭入邊, 而佢既求婚亦響某次retreat camp入邊.
可想而知, 今仔係幾咁虔誠, 但佢從來無迫我信教, 反而今媽、今爹有問過下, 但亦無強迫. 經過五年幾、六年, 我終於就快洗禮了!
多謝我身邊既守護天使, 令我多年來都好順利! 當然要我最大既守守護天使
