新春團拜

好掛住香港既新年,

掛住香港既新年假期,

仲有我香港既利是啊!

好唔容易先等到星期六, 終於有得放假,

點知今日都要八點半起身,

皆因要去參加church既新年團拜!

新年團拜係響我地結緍既church舉行,

自從結左婚後好似都無再黎過lu

仲以為我懶瞓搞到遲到,

十點鐘去到church時先發現原來係十點半先開始,

有點兒被騙既感覺

好中國Feel既program

一入到去, 個個都著到紅噹噹,

而且仲著晒中國新年服,

無論男女老幼都係咁,

嘩... 真係慶幸自己無著成咁, hehe

成個感恩聖祭暨祭祖大典為時兩個鐘,

去到一個鐘時我已經開始無心機!

平時得一個神父主持, 淨係會講一次道,

點知新春團拜有三個教會合辦,

仲有d大大粒既神父出席,

於是由一個神父一次講道,

變左三個神父三次講道.

幾多神父! 實際上唔止, 仲有更多坐左響下面.

唉... 最悶最無心機聽既就係幫我主持婚禮,

而家China Town Church既神父啦!

佢真係好長氣架, 就係因為佢講道,

搞到我婚禮之後無得響church入邊影大合照

實在無諗過呢個setting會響church度見到.

神父上香比我地歷代祖先啊!

從來無諗過神父可以咁做, 或者會咁做!

上完香之後要行三鞠躬禮,

不過司儀唔記得左, 好彩神父上返晒台後補返!

又到神父講野啦! 留意右下角, 你地聯想到d咩呢???

悶到玩自拍