首個正經似樣情人節

今年第一次響美國過情人節,

亦都係第一次同今仔正正經經過情人節

同左今仔一齊之後,

總共經過3個情人節

第一個, 我地兩個係分開過既;

第二個, 對今仔而言係一個恐怖兼永世難忘既;

(呢個係本人專程為今仔安排既, 名為"荒失失情人節")

第三個, 終於似返D樣啦

今朝一早我就收到今仔送既水果花藍,

雖然攞左返公司, 但我都無拆開到

隔離位既佩佩係咁收花, 真係好誇!

(係唔係令人又羨慕又妒忌呢)

情人節都要成八點先放工, 有無搞錯

最後, 今仔響表姐度載左我返屋企!

本來好期待唔知今晚會去邊殊食,

一問今仔之下, 佢話響屋企食喎!!!

我疑惑地問: 食咩呀?

今仔指住以下兩舊野

下... 唔係生食呀?!!

原來今仔接我走之前,

已經買左野返屋企準備情人節大餐, 真係估佢唔到!!!