眼前一黑

嘩... 多得今仔既咳藥水搞到我昏迷左十六小時,

由琴晚十一點半瞓到今日妟晝三點半

聽聞今仔今朝八點曾經試過搖醒我,

點知我睜大對眼, 望左佢一眼, 跟住繼續安睡

今仔真係儍, 仲未知我有幾懶瞓咩

起身之後, 拿拿臨沖涼洗面換衫, 趕住出去食下午茶!

唔知係唔係因為有成十六個鐘無食過野,

加上指甲脫落流血所致,

沖完涼行出廳時, 覺得有d暈

好彩我即時呼叫今仔,

話口未完, 突然眼前一黑, 聽力模糊

今仔立刻扶我埋梳化休息!

好返d之後同今仔講我婚禮整落既水晶甲開始脫落,

但又黐住我原來既指甲, 搞到甲邊流血, 掂到少少都會痛!

今仔好好啊, 多謝晒!

搵黎指甲拑, 幫暈陀陀既我小心翼翼地剪走晒d水晶甲,

令我諗返起細個時媽子幫我剪指甲既情形, 好懷念啊!

為左婚宴而特登去整既水晶甲, 靚唔靚呢? 整左四個鐘架!

P.S. 今次係我成世女第三次眼前一黑!

記得第一次應該係響學校打籃球時, 比個波撞正個頭,

於是即刻暈一暈, 真係好似d卡通片人物頭頂有星星咁

第二次暈得最厲害

話說我響房行出去廳途中, 又試眼前一黑, 今次真係暈左!

到我醒返時, 發現當時自己攤左響地, 好恐怖啊!

好彩無咩事, 因為o個陣屋企得我一個人, 唔係都幾危險呢