四年一次

同奧運一樣四年一次既二月廿九係一個值得慶祝既日子,

早在一週前已向身邊人宣揚今天既特別

同事佩佩提議交換禮物, 我當然踴躍支持!

於是就以樂家杏仁糖心型禮盒裝交換左佩佩既蝦毛吉蒂電話繩,

仲有一大盒夏威夷果仁朱古力, 超賺

可能早前過份宣揚, 點知搞到普天同慶,

變成最多客人、最辛苦、最忙既一日,

睇黎佢地今晚都玩交換禮物呢!

真係多得佢地堆晒響lunch  time幫襯,

搞到我無啖安落茶飯食,

每食三啖就上落樓梯一次

最後卒之胃痛, 亦因為咁可以乘機早走 

放工後慶祝活動:

• 睇車


• 行街


• 瞓覺


• 煲粥


• 食小餐

P.S. 本來諗住食大餐慶祝, 但因為掛住同馬馬煲粥,

        搞到d餐廳閂晒, 最後只可以食上海小吃

同場加映:

本人為馬馬預備既驚喜, 包括八點半晨咁早蛋糕速遞!

多謝媽咪既鼎力協助及細心安排, thank you

今仔廚房

都唔明我呢粒small tomato做咩晚晚都要做到咁夜架

不過咁都好既, 可以唔駛煮飯,

撟埋雙手等今仔搞掂

晏晝時同今仔講定叫佢放工去超市買羊排,

仲send埋個recipe比佢照住整,

今仔果然無令我失望呀! 厲害

喜氣羊羊 --- 今仔係唔係好有星級廚師風範呢!

今仔: 食得未呀? 仲要影幾耐架?

生芝湯丸 --- 好彩今次買呢隻牌子無"爆拆"啫 

自從今仔牛排同羊排出場後,

今仔對自己既廚藝充滿信心,

仲因為咁而成日沾沾自喜tim

P.S. 以上菜式皆取名自今仔本人

曲奇狂熱

呢兩日唔知發咩癲,

唔駛返工都七點幾就醒左,

仲要起身去整cookies,

睇怕我真係有病啦

埋頭苦幹, 樂在其中

睇下今仔幾乖, 佢除左出口, 仲有出手架

(不過...... 其實淨係得呢刻係幫緊手, 所以要留低最美一刻)

Miss MayMay's Cookies 終於出爐啦

今仔既偉大貢獻---食晒D牛油曲奇

後話:

我攞左d Miss MayMay's Cookies返今家, 今爹都話好食呢!

超額完成: 今仔唔駛一個禮拜就幫我消滅晒d cookies lu, 多謝晒!

特別消息

波比‧史密夫夫人已於2008年2月24日上午11時49分誕下女嬰，

取名愛麗遜‧琪

經過三十八週的期盼，愛麗遜史密夫終於出來了！

 

所有人等為迎接她的來臨都在候嬰室等了數小時，

 

只為求見她第一面、抱她數分鐘及拍幾張照片！

 

愛麗遜遺傳了波比的膚色、曼茵的鼻子，還有波比的下巴及曼茵的小嘴.

 

至於眼睛...... 仍有待揭曉

 

 

愛麗遜重7磅8安士，身長19寸

 

由於在母親體內九個月，因此腿部仍維持捲曲狀態，必須用毛巾裹着

 

經過醫護人員悉心的沐浴後，愛麗遜已搖身一變成為一個完美的睡公主！

 

記者︰張美美

 

編審︰岑康康

 

與愛麗遜首次合照, 小心翼翼!