My Dreams

經過琴日十二小時連續工作後,

我點都要瞓返十幾個鐘休息下

在漫長既睡眠裏, 發左兩個家下仲伊稀記得既夢!

1st Dream

早上門鐘響起,

仲係響床度瞓緊覺既我同今仔即刻衝出去睇下邊個黎,

點知原來係今媽

弊! 未執屋, 屋企成個亂葬崗咁, 於是就梗係比今媽狂鬧啦

本人面皮好似紙巾咁薄,唔鬧得,

一比人話兩句D眼淚就會決堤而下

於是, 我就衝左入房喊

回應:

之後我就醒左lu, 好彩咋... 咁慘既夢, 梗係越早醒越好啦

最搞笑係我其實真的哭了, 塊面仲有眼淚,

我好懷疑我係嚇醒架! (好似d人發惡夢嚇醒咁)

上個禮拜我先發過一個比今爹鬧既夢囉

今仔回應:「乜我屋企人咁惡既咩, 佢地都無鬧過你!」。

解夢:

以前睇過下關於解夢既書,

解夢最重要係要知道夢入面你既感受,

仲有就係醒左之後既第一個感覺!

好似呢個夢,

我估係因為今仔表哥兩個禮拜後就會由加拿大黎探我地,

但我地仲未執屋, 所以我先會發呢個夢!

仲有, 我懷疑我係驚今仔鬧我,

只不過響夢入面投射左落今媽度咋

2nd Dream

我同媽子響鰂魚涌渣打銀行路過,

見到display window入面既廣告banner有好多Mama既相,

窗下面有張細細相仲有Mama既表妹tim

回應:

呢個夢好warm, 唔想咁快醒

由細到大, 我最鍾意就係陪住契媽行街買餸,

真係見媽子多過見媽咪架 呢樣野Mama最清楚!

解夢:

hehe... 我諗我梗係琴日朝早同媽子講話今日打電話比佢,

但因為太懶瞓無打到, 所以就發左個咁既夢啦