好運返埋黎 (June 27, 2010)

自從發生左"意外"、"綠卡錯姓", 同埋其他倒霉事件後,

今仔不斷叫我問下邊度有碌柚葉賣 仲成日話我黑氣纏身

我又無覺得自己運氣差, 除左無咩中獎運同事業運, 其他運氣都唔錯呀!

起碼"意外"時雙方都無傷到人, "綠卡"事件唔係響入境時發生嘛! (阿Q精神)

不過, 琴日返今家睇到兩封信, 就證明我真係好運番啦!

首先, 學校批左我個奬學金, 仲收到張支票

本來諗住呢筆錢可以幫補下我整車, 之後睇埋封"意外" 保險信, 原來.....

我一個仙都唔駛比

整車師傅話我實要自己比錢, 因為我係轉綫o個個, 而對方係直行!

唔知係唔係因為我架車甩晒前面個bumper同fog lights, 但對方架車乜事都無,

所以結果變左我咩錢都唔駛比! (今仔本來覺得應該會判每人比一半)

今仔睇完後, 即刻話: 「你d好運返黎啦」

第一次實習的最後一天

終於捱到實習既最後一日!
前一晚又係要趕教材, 所以淨係瞓得一個鐘!
呢一塊版係要黎記低我同我個拍檔響呢個學期教過既野,
用左我成三個鐘整架 一陣間會攞去展覽!

擺放展覽版既班房, 每一班都被安排左個時間黎參觀, 歡迎家長入內!

睇完展覽後, 返我地自己班房開慶祝會, yeah!

咁啱呢日亦係一個女學生既生日, 佢媽媽攞左個生日蛋糕黎同佢慶祝.
個蛋糕好靚架, 中間係個Dora蛋糕, 側邊圍滿cupcakes, 唔知會唔會太甜呢?!!
我掛住做野, 無留番個cupcake比自己.
通常我都好怕食咁多糖霜既蛋糕, 都係忌廉啱我口味d!

黎到最後一日, 終於記得影返張班相, 可惜有兩個學生無返, 唔齊人>.<
呢一個係融合教室,
即係將特殊教育既學生融入普通學生既班房.
有一個學生有autism (自閉症), 另一個有ADHD (專注力不足/過度活躍症),
其他大部分係English Learners (英語非第一語言).
呢一班難教之處在於個自閉症學生有好多行為問題,
所以要佢坐響位或者聽老師話都已經係好大既挑戰!
當佢唔聽話, 響課室行黎行去, 又或者坐響位大叫,
就會分散其他學生既注意力. 有d同學甚至因為呢d行為而發笑,
咁我地就要教導佢地尊重每個人都有唔同既地方,
唔可以因為其他人怪異而恥笑人地!
睇住d學生由學期初用奇異既目光及恥笑對待有自閉症既學生,
到後來主動幫助佢完成課堂習作及提醒佢返埋自己位,
令我覺得教育工作真係好有意義, 亦提醒我選擇做老師既原因!
到十一點半, 夠鐘放學啦! 等家長接晒所有學生, 我地就開始執拾,
同埋見教授攞埋我個最後分數, 呢次實習就正式完結啦!

放暑假啦!

春季既學期終於完結, 可以享受三個星期假期, yeah!

回顧上個學期讀過既班:

1. EDSP 407 實習
最辛苦, 又多野做, 好花時間!
每個星期有一至兩日同個拍擋見面, 傾下星期六點教.
又要做lesson plan(課堂計劃), 仲有unit plan(單元計劃),
同埋student profile(學生概況), 跟住仲有不斷重覆又重覆既reflections(檢討)
(weekly reflection每週檢討, student profile reflection學生概況檢討,
unit plan reflection單元檢討, individual reflection on unit plan個人單元檢討).
真係寫到你唔悶, 我都嫌我長氣
每個星期五坐響屋企由朝做到晚去準備星期六既教材,
通常星期五晚淨係瞓得兩個鐘, 第二朝七點又要出門.
星期六要拎住一袋二袋去返學, 個個weekend都好似去旅行咁.

無呃你地架! 揹住一個書包, 手拎住個袋, 仲要推住架車仔>.<
做乜要拎咁多野去上堂架???
咪因為個課室響間大學入面, 星期六會變左個學習中心,
課室入邊係咩都無既, 連學生既文具同紙都要我地自備.
D教授仲要我地佈置個課室, 令佢變成一個文字豐富既環境,
搞到我地要個個星期運十幾本圖書返學校, 落堂後又要搬走!
唉, 呢十個星期既搬運工程都總算完結啦!

2. EDSP 553 閱讀與寫作
呢一班係呢一年上過既課, 最辛苦同最多野做既!
皆因個教授好變態>.<
交左咁多份paper都未見過有份paper收返時會比人用黃色highlight晒,
又用紅色係咁改, 真係見到都驚, 心情即刻跌到落谷底*.*"
份paper改左成三次, 個教授先至滿意; 另外o個兩份都改左一至兩次!
唯一既得着: 同兩個同學仔因為做分組功課變得更加熟.
一個係由大陸黎左8年既媽媽, 另一個係識講廣東話既ABC,
之前都有一齊上堂, 但就唔係咁熟.
今個學期上完變態教授既堂, 真係熟晒! 因為我地一見面就有共同話題,
呻下個教授對我地既無理要求, 同埋係咁講佢壞話
最搞笑係同學W話要送支中國國旗比過阿教授!
(鬼叫佢咁鍾意紅色同黃色嘛)

3. EDSP 512 建立合作關係
呢班係最舒服既! 本來只係需要上五堂, 但因為教授休假, 所以變左四堂.
個教授見無咩時間, 索性連本來要做既分組功課同堂上簡介都取消埋,
只係需要交一份paper就搞掂!

總結:
本來諗住變態教授會比個B或者C我, 好彩最後都有驚無險攞左個A, yeah!!!

與實習學校導師的見面

早兩日知道左我個導師同實習學校既資料,
於是即刻email個導師, 星期四一早去搵佢!
駕左45分鐘車(勁塞車)去到實習學校,
入到學校時發現全部學生都係墨西哥人同非洲人,
心諗我個導師會唔會係黑人黎架?!!
真係比我估中左 (其他野又唔見我估到!)
導師好友善, 又健談, 仲四圍介紹學校既職員比我識。
咁啱o個日學校去旅行, 我又跟埋學校一齊去!

今次旅行係去California Science Center (加州科學館), 我未黎過喎!
返到屋企問阿康做咩唔帶我去睇, 佢竟然答我:「乜你無去過咩?!!」

一去到就望到呢D波波吊響殊, 導師話呢D係molecules(分子)。

圍住molecules既鐵架係比人行上行落既斜路。

第一個活動: 去IMAX睇3D電影. 電影係講大溪地既海浪, 其實都幾好睇,
但睇睇下我都頂唔順瞓着左,跟住比我望到我個導師仲瞓緊。

High Wire Bicycle: 要比錢先玩得!


Ecosystems (生態系統): 新開既展館
唔知係唔係因為新, 所以個個都去睇, 搞到要排隊入場。
排左廿分鐘, 入去睇一段介紹片, 跟住就去左睇關於雀仔同南極既展覽。

擺放響南極館外既展品, 模仿海浪既產生。


食完午餐, 同導師去左出邊行下。
外邊有個玫瑰花園同噴水池, 環境清幽, 加埋當日清風送爽, 最適合野餐。

當日勁多學生去參觀, 由幼兒園至高中既學生都有!
導師話以前去學校旅行都無見過有咁多校車出現,
我計過當日有三十架校車圍繞住個科學館。
今次係我第一次坐美國既校車, 原來入面好細同好窄架!

原來我只係值89仙! (June 18, 2010)

琴晚老公放工返到屋企, 就話同我去Strawberry Cones買外賣pizza食

(我好開心架! 因為我放假無野做, 又做錯野要用好多錢, 但老公都唔駛我煮飯)

去買野食之前, 老公又去佢最愛既搵著數地方(CVS) shopping!

幾經辛苦, 我地終於揍夠十蚊, 可以用張$5 off $10 coupon

去到排隊時, 我地遇著store manager響cashier收錢,

於是我地即時閃, 扮仲有野買

最後張coupon都用到, 但原來個Wii網球拍要$5, 唔係50仙.

咁老公就臨急臨忙叫我響counter揀兩排朱古力,

但點知d朱古力係buy 2 get 3rd for 1 cent, 老公當堂好唔開心

佢認為用$3.xx 買1個Egg Genie, 1個grater, 兩排雞蛋同1排朱古力係好唔抵.

上到車, 老公就發脾氣話:「下次都係我自己黎買野算啦」

我心諗: 「老公竟然為左買唔到多排朱古力鬧我, 原來我只係值89仙」

意外 (June 17, 2010)

本來已經安排好呢幾日既活動, 唉...

就係響琴日下晝三點, 我準備上freeway時........... 撞車了

人無事 (好彩!), 但個車頭好傷

就係因為呢個意外, 我所有既活動都要臨時取消, 要立刻折返回家報保險.

撞車o個刻當然好手忙腳亂, 但好彩另一方既司機態度良好,

仲提議駛去parking lot交換資料, 當時亦多得今仔在電話教路.

意外後, 心情跌到落谷底 (人地本來好開心架嘛, 啱啱放暑假可以去玩)

過左無幾耐, 二姑媽打黎問候, 後來香港既表姐都知道了,

跟住夜晚我再打電話返香港同媽子(契媽)、媽咪報平安!

今日, 同學T好有心打黎問我駛唔駛買野比我食, 今媽亦致電安慰我.

多謝各位既關心同安慰, 表姐甚至話:「駕車就容易有意外架啦, 最緊要人無事!」

今媽就問我驚唔驚, 佢話: 「人無事就得, 錢財身外物」,

又叫我休息下, 下個星期佢會陪我去車行.

又一次要多謝今仔, 佢無怪責我, 仲安慰我話人無事就得

今次呢件事令我諗返起2001年去溫哥華時唔見左本passport,

當時爹o地(契爺)響電話(香港)同我講:

「唔駛驚架! 大不了我飛過黎接你返香港!」(超感動)

買甩褲 (June 15, 2010)

老公真係越黎越搞笑, 周不時都會做出一D趣怪既事

話說早兩日去Las Vegas個outlet行街, 老公好不容易響Nautica睇啱條短褲．

之前老公話size 32既褲唔啱着, 咁我咪攞條size 33既比佢試,

比左兩個款同一個size佢入fitting room試

我響出邊等左一陣, 佢着住條卡其色既短褲, 話呢條啱, 另一條唔好!

試過啱之後咪去比錢, 跟住又check下d拉鍊, 無問題就簽卡找數

最搞笑既就係響Las Vegas臨走o個日, 我帶左條size 32既藍色短褲比老公着,

佢着唔落話要捐左佢, 咁就唯有着新買既短褲, 但行出酒店無幾耐,

老公周不時都要扯住條褲, 佢話鬆喎

我問:「你唔係琴日試過既咩」

老公答:「係呀! 琴日明明啱架, 唔通因為未食野 個肚腩細左啩?!!」

最後, 佢終於發現食完野條褲都仲係鬆

梗係啦~ 條褲係低腰架嘛, 肚腩大都唔會有影響, 要個pat pat大先得架

後來, 老爺車完我地返屋企, 老公攞左行李上樓梯時, 我真係睇住佢條褲係咁跌,

跌到露左半條底褲出黎, 我唯有響佢後面幫佢摵住條褲!

一入到屋, 老公就表現跳甩褲, 佢跳左兩野條褲就甩左 (笑死我!!!)

老公:「都話條褲鬆架啦!」

後話: 下次老公試完褲, 一定要幫佢睇下褲頭係唔係啱身

猝啄同時

Last一堂課, 臨落堂前Professor竟然教中文, 仲問班上有無人識.

我舉了手, 但由於坐得太後, 佢睇我唔到, 以為咁就可以避開答問題!

最後, 當然被其他同學篤左出黎......

讀都還可以, 但好彩無問我點解, 皆因我真係無學過呢個四字成語!

跟住, Professor就解釋「猝」就係雞仔響雞蛋入面啄個雞殼,

而「啄」就係母雞響雞蛋出面啄. 母雞同雞仔要同時啄同一個位置,

先可以將個蛋殼啄開, 雞仔就可以順利脫殼而出!

呢句說話係要黎比喻:

Being the special education teachers,

we have to first find out the needs of our students,

then we could provide the appropriate instruction to scaffold them for success!

"賴"深緊, 咪即係「對症下藥」囉!

落堂之後, 同Professor傾左一陣, 我好坦白同佢講我唔識o個幾個字既意思,

我從來都無見過, 可能係文言文入面先有!

Professor係韓國人, 佢話係最近去韓國時學既.

我上網google, 搜尋結果只有兩個講佛經既中文網頁, 其餘既都係韓文!

哦, 原來係韓文黎既! 等我仲以為我D中文咁差添!

猝啄同時 (June 7, 2010)

Last一堂課, 臨落堂前Professor竟然教中文, 仲問班上有無人識

我舉了手, 但由於坐得太後, 佢睇我唔到, 以為咁就可以避開答問題

最後, 當然被其他同學篤左出黎......

讀都還可以, 但好彩無問我點解, 皆因我真係無學過呢個四字成語!

跟住, Professor就解釋「猝」就係雞仔響雞蛋入面啄個雞殼,

而「啄」就係母雞響雞蛋出面啄. 母雞同雞仔要同時啄同一個位置,

先可以將個蛋殼啄開, 雞仔就可以順利脫殼而出!

呢句說話係要黎比喻:

Being the special education teachers,

we have to first find out the needs of our students,

then we could provide the appropriate instruction to scaffold them for success!

"賴"深緊, 咪即係「對症下藥」囉

落堂之後, 同Professor傾左一陣, 我好坦白同佢講我唔識o個幾個字既意思,

我從來都無見過, 可能係文言文入面先有!

Professor係韓國人, 佢話係最近去韓國時學既.

 我上網google, 搜尋結果只有兩個講佛經既中文網頁, 其餘既都係韓文!

哦, 原來係韓文黎既 等我仲以為我D中文咁差添!