星期日同今仔一齊參加了公司搞既sailing tour
船開左差不多一個鐘, 突然有人大叫,
原來係有一羣海豚向我地反方向游水
去程好大浪, 搖了差不多兩小時, 終於停下!
一直以為架船會泊岸, 但點知......
原來係響海中心停低架咋
仲幻相好似布吉咁, 有得玩水上活動,
例如jetski咁, 點知一切都係妄想
既然比左錢黎, 當然唔好蝕底啦
我去左船頭感受風浪, 未落水已經全身濕晒!
之後又去撐橡皮艇同游水, 最後因為有人釣到條baby shark,
船上女職員怕我地有危險, 立刻叫返我地上水,
佢話mother shark好可能響附近
回程時, 個個都十分疲倦, 瞓晒覺!
由於我唔記得手都要搽太陽油, 最後變左紅燒豬手, 又紅又熱又痕
多謝今仔唔舒服都肯陪我去搖
我愛開雪櫃, 喜歡裏面擺放着琳瑯滿目的食品。
那種感覺就好像小朋友打開媽媽的首飾盒,
看見五花八門的飾物, 幻想着自己戴起時的模樣。
我愛開雪櫃, 但並非想找東西吃,
只是好奇想看看裏面究竟放着甚麼,
望一眼已令我滿足。
我愛開雪櫃, 不限於自己家中的雪櫃。
每當到訪表姐家時, 我都會趁機開她的雪櫃,
研究她最近買了甚麼新款食物回家。
我愛開雪櫃, 但當打開後發現裏面空空如也,
便會感到十分失望, 內心頓時變得虛空,
因此我會確保雪櫃在常滿狀態。
開雪櫃已成為我在家裡的一項娛樂!
今晚無聊睇返從前既email, 比我發現左一件舊事
「It's half past two in the morning now,but I am playing Monopoly with my friends. They modified the game and played with real money! Very expensive! Someone built a lot of buildings in Repulse Bay and the Peak. He also built a hotel in both Wan Chai and Mong Kok! It costs more than ten dollars when stepping any of them! Luckily, I didn't step on them, just stayed in Wan Chai Hotel for a night! Much cheaper, only $4.5.」
「我ｏ個晚玩大富翁應該無乜點輸呀！但我有個朋友好慘呀，佢真係好黒仔！係咁輸錢，佢行一個圈就無左廿蚊啦！佢仲係都要踩人地ｄ地，自己ｏ個ｄ就避開哂 我地嘗試跟足說明書去玩架，要買哂同顏色地先可以起樓．我好叻呀，我用淺水灣同其中一個換左電燈公司同山村道返ｏ來呀！跟住，由於我拎住好多唔同顏色既地，每色一張地契．搞到我好黑仔既朋友無得起樓，於是我就同佢達成協議，我比哂ｄ地契佢，但條件係佢唔可以收我地租．最後，我地兩個就互免房租啦
係唔係好醒呢？我ｏ個個朋友真係好黑架，當佢諗住响地產界大展牶腳時，點知遭逢政府控制樓市，比人起哂ｄ樓啦！佢無得再起，就算佢拎住咁多地契都無用．佢起樓都起錯地方ｔｉｍ，佢起左樓ｏ個ｄ就無人行，唔起ｏ個ｄ就係咁比人踩，所以佢每次只係收得幾毫子，但自己就十蚊十蚊咁比出去，你話佢係唔係好黑呢？哈，最搞笑係．．．佢原來將佢ｄ樓起哂去離島，Ｌａｍｍａ Ｉｓｌａｎｄ﹑西貢同愉景灣，但又唔起响Ｎａｔｈａｎ Ｒｏａｄ．可能係咁，所以無咩人去啦，哈哈」
有無人記得呢件事呢
我好懷疑黑仔先生姓侯
7個月後就會返香港, 雖然仲有好長時間, 而且一切都未確定,
但未出發先興奮, 我已經開始準備送比親朋好友既手信
做我既朋友真有福, 嘩哈哈
我仲厲害到搵張紙寫低返香港要食既野, 同埋要去既地方
返香港要食既野:
返香港要去既地方:
各位朋友, 睇完後唔該諗埋日子, 約齊人去
上面就係平時我由公司駕返屋企既路綫
條路又易行又易記, 但就又多車又多燈位
,
於是今日 "懶" 醒既我就諗住行內街!
滿以為會同平時行既大馬路平衡, 咪就係錯晒囉
行行下都知唔對路, 去左一D我平時都唔會經過既cities,
好彩有太陽伯伯帶路, 我先可以順利回家
沒有帶GPS, 也沒有指南針的我,
就是靠着準備落山既太陽伯伯指示方向,
從而確認自己朝着北邊行駛, 最終都搵到回家路綫
不過就被警察叔叔既車嚇親, 搞到轉錯左去右邊, 兜左個小圈
下面就係我今日既駕駛路綫:
這幾天很懶, 甚麼也不想做
起身時發現廚房清潔整齊, 睇怕都係今仔幫我洗晒D碗
多謝多謝 咦, 點解個飯煲仲係咁既?!!
我明明諗住洗架, 點解會放返原位架
連忙向今仔查問...
今仔︰「吓?!! 我以為你響殊浸米咋!」
因此, 飯煲便歸位了
我大笑了數分鐘, 皆因今仔實在太可愛啦
在106F既炎熱高溫下, 最好都係少出街為妙
唯有躲於家中, 開住冷氣, 繼續煲碟
正當睇緊韓片<<... ing>>時, 電視螢光幕突視黑晒,
原來成間屋都無晒電, 今仔連忙檢查fuse箱, 但都毫無發現
探頭出窗外, 打聽到原來隔離屋都無電,
睇怕都係太多人開冷氣機,
搞到電力負荷過重, 令到整個屋苑停晒電
當時係5:40pm, 經歷左兩小時原始生活後,
天開始黑, 我地覺得唔對路, 籌謀執拾行裝逃難到今家
諗諗下, 都係醫飽肚先, 如果仲未有返電, 先再走難!
最後, 今仔帶左我去附近既Tony Roma's享用晚膳
今仔的St. Louis Rib Sampler + French Fries + Corn on the Cob
On diet既我叫左Bleu Cheese Wedge Chop
計埋貼士, 盛惠US$22, 抵! 皆因我地有$5 off $15 coupon
