本來已經安排好呢幾日既活動, 唉...
就係響琴日下晝三點, 我準備上freeway時........... 撞車了
人無事 (好彩!), 但個車頭好傷
就係因為呢個意外, 我所有既活動都要臨時取消, 要立刻折返回家報保險.
撞車o個刻當然好手忙腳亂, 但好彩另一方既司機態度良好,
仲提議駛去parking lot交換資料, 當時亦多得今仔在電話教路.
意外後, 心情跌到落谷底
過左無幾耐, 二姑媽打黎問候, 後來香港既表姐都知道了,
跟住夜晚我再打電話返香港同媽子(契媽)、媽咪報平安!
今日, 同學T好有心打黎問我駛唔駛買野比我食, 今媽亦致電安慰我.
多謝各位既關心同安慰, 表姐甚至話:「駕車就容易有意外架啦, 最緊要人無事!」
今媽就問我驚唔驚, 佢話: 「人無事就得, 錢財身外物」,
又叫我休息下, 下個星期佢會陪我去車行.
又一次要多謝今仔, 佢無怪責我, 仲安慰我話人無事就得
今次呢件事令我諗返起2001年去溫哥華時唔見左本passport,
當時爹o地(契爺)響電話(香港)同我講:
「唔駛驚架! 大不了我飛過黎接你返香港!」(超感動
Aiya，乜咁唔好財呀！真係好在人無事咋。除非你唔專心講電話或者整呢整路攪到撞車啫，如果唔係真係唔應該責怪你嘅，有時就算打醒十二分精神都好，都有機會出意外架，所以我咁唔鍾意揸車囉。
ReplyDelete[版主回覆06/19/2010 23:28:00]唉, 可能以前駕車好彩左好多次, 所以今次終於...... 我諗雙方都有責任既, 但我就好怪自己唔熟路, 同唔睇清睇楚!
個人無事最緊要咋~~~~ 雖然心情唔多唔少都有影響到心情，但個人無受傷就OK喇﹗下次小心D喇﹗
ReplyDelete[版主回覆06/20/2010 07:40:00]而家好好多lu 係呀, 第日真係要打醒十二分精神!
就如大家所講, 人無事就得. 始終係新環境, 地方大又唔熟路, 交通訊號又唔一樣.
ReplyDelete[版主回覆06/23/2010 06:24:00]係囉! 我唔熟路, d路牌指示又唔清晰!
其實揸車都預咗唔多唔少會有碰撞，好似行街都有機會撞到人或者俾人撞親。 有時妳小心人哋唔小心都冇計，最緊要係個人冇事。
ReplyDelete[版主回覆06/23/2010 06:25:00]咁又係喎, 我響屋企行都成日撞親!
最重要是人平安，車子可以修理過。
ReplyDelete[版主回覆06/23/2010 06:27:00]今仔都係咁講! 因為撞我左邊, 所以佢話無撞到司機位已經好好!
真係最緊要人冇事！
ReplyDelete[版主回覆06/23/2010 06:27:00]其實都有d肉赤要比咁多錢整車, 唯有第日小心d駕車啦!