回顧上個學期讀過既班:
1. EDSP 407 實習
最辛苦, 又多野做, 好花時間!
每個星期有一至兩日同個拍擋見面, 傾下星期六點教.
又要做lesson plan(課堂計劃), 仲有unit plan(單元計劃),
同埋student profile(學生概況), 跟住仲有不斷重覆又重覆既reflections(檢討)
(weekly reflection每週檢討, student profile reflection學生概況檢討,
unit plan reflection單元檢討, individual reflection on unit plan個人單元檢討).
真係寫到你唔悶, 我都嫌我長氣
每個星期五坐響屋企由朝做到晚去準備星期六既教材,
通常星期五晚淨係瞓得兩個鐘, 第二朝七點又要出門.
星期六要拎住一袋二袋去返學, 個個weekend都好似去旅行咁.
無呃你地架! 揹住一個書包, 手拎住個袋, 仲要推住架車仔>.<
做乜要拎咁多野去上堂架???
咪因為個課室響間大學入面, 星期六會變左個學習中心,
課室入邊係咩都無既, 連學生既文具同紙都要我地自備.
D教授仲要我地佈置個課室, 令佢變成一個文字豐富既環境,
搞到我地要個個星期運十幾本圖書返學校, 落堂後又要搬走!
唉, 呢十個星期既搬運工程都總算完結啦!
2. EDSP 553 閱讀與寫作
呢一班係呢一年上過既課, 最辛苦同最多野做既!
皆因個教授好變態>.<
交左咁多份paper都未見過有份paper收返時會比人用黃色highlight晒,
又用紅色係咁改, 真係見到都驚, 心情即刻跌到落谷底*.*"
份paper改左成三次, 個教授先至滿意; 另外o個兩份都改左一至兩次!
唯一既得着: 同兩個同學仔因為做分組功課變得更加熟.
一個係由大陸黎左8年既媽媽, 另一個係識講廣東話既ABC,
之前都有一齊上堂, 但就唔係咁熟.
今個學期上完變態教授既堂, 真係熟晒! 因為我地一見面就有共同話題,
呻下個教授對我地既無理要求, 同埋係咁講佢壞話
最搞笑係同學W話要送支中國國旗比過阿教授!
(鬼叫佢咁鍾意紅色同黃色嘛)
3. EDSP 512 建立合作關係
呢班係最舒服既! 本來只係需要上五堂, 但因為教授休假, 所以變左四堂.
個教授見無咩時間, 索性連本來要做既分組功課同堂上簡介都取消埋,
只係需要交一份paper就搞掂!
總結:
本來諗住變態教授會比個B或者C我, 好彩最後都有驚無險攞左個A, yeah!!!
No comments:
Post a Comment