今日4:20pm要交功課, 琴晚通宵做, 直到3:30pm終於趕起
跟住, 拿拿臨出門趕返學校交功課兼上堂!
為左慳幾蚊雞(成廿蚊港幣)泊車錢, 通常我都會響3:30-3:45pm出門,
然後泊架車響街, 再行返課室 (駕車15分鐘 + 行路15分鐘)
今日搞到成4:00pm先開車, 所以一定要泊去停車場, 有時錢係唔慳得!
去到停車場, 兜左個圈先搵到位, 跟住仲要去買泊車飛!
如果一切順利, 我係可以準時去到課室上堂架~
點知...... 世事又點會盡如人意既呢!!!
麻煩既事就係響買泊車飛時發生, 刷左幾次信用卡部機都無反應,
而我又只係得一張$1紙, 其餘$20紙又唔收
咁既情況下唯有行去另外一部機買飛, 最弊另一部機要排隊呢!
終於輪到我啦 就響我入左信用卡未抆出黎之際......
突然有個女仔跑向我, 佢仲送左張全泊車證比我喎!
個女仔同我講時, 我仲諗緊我唔夠cash比返佢喎!
當然佢並無諗住收我錢啦......
除左要多謝呢個"送飛少女", 咁亦都要讚下自己既身手敏捷,
立刻按住張卡唔抆, 同埋勁按取消鍵
擺返張飛入車, 快步趕去課室, 好彩教授未開始上堂,
咁都比我趕到入課室做quick write(用黎計出席率, 值一分架!).
更開心既係朋友仔Tammy送我一支可樂 (佢話去汽水機買時出多左一支喎)
真係「唔趕唔知時運高」!!!
No comments:
Post a Comment