三年啦......

黎左三年啦......都開始適應呢邊既生活! (又或者已經適應左?!!)
媽子話: 你好似一隻曱甴咁, 話咁快就適應啦!
實在唔明白點解佢會用「曱甴」黎形容我囉! (都唔知係讚, 定係踩?!!)

仍然清楚記得當日離開香港既情形, 當然仲有入境美國時既麻煩
(真係要搵日得閒寫返低先!)

總結三年:

•已打過三份工, 人工由最初到宜家加左一倍有多(最好不斷倍數咁上啦)
•差唔多每年暑假都搵工
•由無朋友到響學校度識左幾個不同種族既friends(得一個半係同聲同氣)
•由搵唔到人寫推薦信到家下已儲埋七封
•由唔識煮飯到家陣要日日煮 (好彩唔駛做家務)
•由唔敢駕freeway到宜家睇住部GPS周圍去
•攞左一個臨時教書牌同一張自閉症證書(快D攞埋另一個教書牌同學位就好啦)
•屋企亦由一部電腦發展到三部
•當然, 體重亦上升了(好彩唔係倍數咁上)