樽裝可樂

琴日響今家既雪櫃發現呢枝寶物,

一問之下先發現原來呢枝野係今仔同我一齊買既

響我記憶中, 我只係同今仔買過一次樽裝可樂,

而且仲要已經係2006年暑假既事

唔係呀嘛?!! 今仔係唔係將可樂當成紅酒

我同今仔講:「不如等到結婚十週年先開囉!」

最後, 我梗係拿拿臨開黎飲啦, 至多咪留番個樽做紀念!

唉, 今仔就係咁架啦...

我舊年五月過黎同佢一齊搬家,

竟然比我發現佢連我第一份送既禮物都原封不動,

最大問題o個D係酒心朱古力, 邊擺得咁耐架

今仔解釋:「我諗住等你黎左之後先一齊食架嘛!」

同場加映: 話咁快已經兩個星期大既愛麗遜