神舟六號

琴晚享用緊法蘭西美食時, 今仔突然提議去睇《神舟六號》

咦, 咩黎架?!! 莫非今仔諗住帶我地去太空館參觀

我同表哥, 仲有神秘嘉賓估左一大輪, 最後終於比我估中左

原來今仔講既係今個禮拜先響殊上映既《長江７號》

嘩... 乜爭咁遠架 得一個字中, 估死人咩

不過都多得今仔, 因為佢既《神舟六號》令我狂笑左十分鐘, 一諗起就想笑

最後與今爹及今媽吃過晚飯後, 今仔就同左我去睇九點半場

開場後先發現原來係普通話對白, 英語字幕, 好彩都無想像中咁大影響

成套戲我無特別開懷大笑, 但竟然哭如泉湧, 意料之外

我諗並非《ＣＪ７》 十分感人, 只係因為我變得極度眼淺

總括而言: 《長江７號》就係將星爺電影既元素擴大三倍,

包括: 無厘頭對白﹑尖酸刻薄鬧人﹑龐然巨物﹑女扮男裝,

再加上ＣＧ超能外星狗, 最後變成浮誇演譯既科幻特技溫情片!

今仔再三強調《ＣＪ７》唔係笑片, 所以唔係一定要睇到笑晒架喎