今日下晝返學校個圖書館借書, 仲諗住之後去做下運動, 點知響圖書館落樓梯時, 差錯腳仆親, 抝親隻右腳! 成個圖書館本來好靜, 所以我仆親時既巨響令到好多人望去樓梯o個邊, 好彩我係響轉角位跌親, 唔係咁多人望到
本來抝柴都唔係咩大件事, 但衰在o個個位置係從前整落既舊患, 所以一抝就會腫到成隻雞蛋咁, 而且腳掌變得又痺又無力. 我仲要為左慳返泊車錢泊左架車係條百幾級既樓梯下邊, 唯有慢慢一拐一拐咁落樓梯忍住痛開車回家
今仔平時都會車我返學校, 但因為佢想睇大學籃球賽Final Four, 所以無陪到我! 佢見到我時就話:「原來你係唔識照顧自己架, 睇少你一眼就搞成咁!」我隻腳眼腫左半吋, 一行路就痛! 今次真係可以名正言順做公主, 坐響度等今仔服侍
希望隻腳快d好返啦, 星期一仲要去面試架嘛!
