對被儍笑 (May 25, 2010)

自

從老公睇完星期二檔案「如何保持年青」後, 佢成日都話要

排毒

每晚一去到差唔多十一點, 老公就會大叫︰「夠鐘排毒啦!」

之後, 佢就會迫我入房瞓覺. 不過, 我通常都唔會理佢, 繼續賴響梳化睇電視!

最有趣既係, 上星期三老公沖完涼後, 自己企響房門望住堆被儍笑

後來, 佢望到我坐響梳化, 就同我講︰

「咦! 乜你唔係響張被入面咩 我頭先仲對住張床大笑」

{睇黎老公真係好鍾意我做一隻懶惰既肥豬}

去到今朝, 老公沖完涼後又試自己同堆被講野!

當時, 我好勤力咁幫佢準備三文治及pack飯

之後, 老公行過黎同我講︰「我又試以為你響張床度啦! 頭先仲對住張被講野!」

{我懷疑老公已經患左妄想症}

又湊B (May 18, 2010)

又要去湊Allison啦! 琴晚先開完夜車, 今朝又要一早起身

今日天陰陰, 我駕車去表姐屋企時仲落雨!

咁都好既, 我唔駛再去玩o個條小型滑梯

去到表姐屋企, 佢叫我同Allison去Gymboree上堂,

於是佢就搬左個car seat上我車, 跟住我就展開第一次車BB既駕駛旅程!

初頭, 載住個小朋友都有D緊張, 一來我又唔係好熟o個區D路,

二來又要周不時睇下個細路, 所以都幾多野要顧

好彩, 一切順利, Alli亦好乖, 一路食餅, 一路睇風景, 我就一邊駕車, 一邊同佢傾計!

去到Gymboree, 仲有成半個鐘先上堂, 於是帶左Alli去隔離Trader Joe's行.

個試食部職員見Alli唔食麵包, 就比左D Oreo佢, 又送左好多張貼紙比佢!

做小朋友真係好啦 終於等到上堂, 原來得Alli同兩個小女孩.

Alli上堂都唔係好聽老師講, 老師叫佢行東, 佢就行去西, 好似自己去遊樂場玩咁

不過, 以27個月既小朋友黎講, 我覺得佢既平衡力同手腳協調都發展得好好,

上樓梯時都唔駛大人扶! 只係需要培養下守秩序, 同埋同其他小朋友一齊玩!

Oh, 原來Gymbo is a clown

上完堂返屋企啦! 可能Alli開始眼瞓, 開始扭計, 但我都無乎,

只係唱歌氹下佢, 同佢傾下計分散佢既注意力, 最後有驚無險終於返到屋企!

食完野, 睇過電視, 又到左氹佢瞓覺既環節, 上次失敗左, 今次再接再厲

講左兩本故事書, Alli仲係眼仔碌碌, 完全無想瞓既意圖, 想點

細路, 你唔瞓我都要瞓架! 搞左成半個鐘, 佢終於肯瞓, 仲瞓左兩個鐘, 叻

原來呢隻青蛙係用黎教小朋友講書! 我上次去玩, 以後佢只係一隻識講野既裝飾青蛙.

今日得Alli示範, 先知呢隻青蛙係咁有用!

只要攞住隻青鞋, 響同系列既書上劃一下, 就會發出聲響!

以上面本字母書為例, 將青蛙劃落H度, 佢就會講H;

將佢劃落隻猩猩度, 佢就會發出鑼鼓既聲音.

最後, 等到六點, 表姐夫終於返屋企, 我都係時候歸家煮飯!

**************************************************************************
喜訊一則:

表姐今次陀既BB係仔黎架! 恭喜晒, 可以湊成一個「好」字

其實, 佢地仔同女都無所謂, 表姐只係講過唔好生兩個仔就得, 因為太百厭

話說表姐今次係想玩神秘, 諗住生出黎先知係仔定女既.

點知因為換左醫生, 又無再同個醫生交待清楚, 於是個醫生就漏左口風啦

走火警 (May 12, 2010)

琴日上堂上到5:30pm, 突然聽到好嘈既聲音......

當刻, 我只係覺得好嘈, 完全無意識到原來係火警鐘響, 當然亦無諗到要「撇」

直到Professor話我地要走啦..... 我先同同學T一齊慢慢執野,

仲硏究下係唔係一陣會返, 駛唔駛攞晒私人物品離開!

(好明顯我地兩個都無咩危險意識)

跟住, 我地就施施然, 一路傾住計, 一路行樓梯離開棟building!

搞左半個鐘後, 終於可以返番課室, 繼續上堂...... (邊個玩野整響個鐘呀)

走佬中「慌忙」拍下的照片

與狗上堂

今日第一次同失明人士上堂.

呢位同學帶左隻導盲犬一齊入課室,

隻狗狗好似香港警察既狼狗,

真係好乖, 又唔會撩人, 又唔會周圍走,

只係乖乖地趴低直到教授放小息!





呢隻導盲犬係女仔, 名叫Juno,

佢好醒目架, 個老師話放小息時,

佢就第一個起身!


放完小息後, 教授帶埋佢隻服務犬 (一隻黑色既狗,有D似金毛尋回犬,但較細隻)入課室,

平時D狗狗一見到其他狗就會吠,

一係就撲埋去係咁聞,

呢兩隻狗都無做, 繼續乖乖趴響殊!

與狗上堂 (May 3, 2010)

今日第一次同失明人士上堂

呢位同學帶左隻guide dog一齊入課室,

隻狗狗好似香港警察既狼狗,

真係好乖, 又唔會撩人, 又唔會周圍走,

只係乖乖地趴低直到Professor放break

呢隻guide dog係女仔, 名叫Juno,

佢好醒目架, 個老師話放break時, 佢就第一個起身!

放完break後, Professor帶埋佢隻service dog (一隻黑色既狗,

有D似金毛尋回犬, 但較細隻)入課室, 平時D狗狗一見到其他狗就會吠,

一係就撲埋去係咁聞, 呢兩隻狗都無做, 繼續乖乖趴響殊

**************************************************************************

點解Yahoo! Blog有咁多spam message

點解我成日都要入兩次security code先可以post message

D security code係唔係真係有用架

A Day with Allison (May 6, 2010)

為左迎接將會響暑假蒞臨既兩個BB, 二姑媽特准放假三星期,

於是二姑媽就飛左去上海同新加坡渡假!

咁邊個去湊表姐個囡囡Allison呢?

表姐夫請左一個星期假去照顧囡囡, 其餘時間就要靠佢媽媽幫手,

但有幾日Allison嫲嫲又唔得閒喎, 最終我就自動請纓提議去睇住Allison >.<

o個日一早九點就去到表姐屋企, 跟住佢交代下Allison lunch食咩,

有咩電視節目佢鍾意睇, 同埋有咩活動可以同佢做, 之後佢就出門返工.

玩左一陣Play-Doh, 睇左一陣電視, 食左少少野, Allison就嚷著要出去草地玩.

佢想玩滑梯, 但濕濕地, 我咪叫佢去攞紙巾抹......




我都有玩架... 但條滑梯實在太短, 個亭又太矮, 上到去都企唔直!


隔離張相係26個月大既Allison影既......
家陣D小朋友真係叻! 一攞左部相機就識影相, 連按邊個掣都即刻知.
平時叫D大人幫我地影相, 佢地搞左一輪都未必搵到個掣!






玩完草地,

佢話要去屋企個前院行下,

仲響度摘花!



玩完花,

又去玩狗...

細路,

你肯瞓未架?!!








上個禮拜有好多功課做, 所以我都無覺好瞓, 仲諗住等佢瞓覺時可以做下野,

點知....... 佢咪係咁玩, 唔瞓囉, 搞到我陪佢睇緊電視時都攰到瞓左陣.

本來仲好開心佢無開大, 唔駛我幫佢換"S"片, 最弊......

我同佢玩緊既時候, 突然聞到陣臭味, 心知不妙!!!

佢唔肯換片, 仲響度喊... 當然我都唔理得咁多, 咁臭... 點都要換架!

結論: 湊仔係攰過返工...... o靚仔係玩人地既好 ^.^

A Day with Allison (May 6, 2010)

為左迎接將會響暑假蒞臨既兩個BB, 二姑媽特准放假三星期,

於是二姑媽就飛左去上海同新加坡渡假

咁邊個去湊表姐個囡囡Allison呢

表姐夫請左一個星期假去照顧囡囡, 其餘時間就要靠佢媽媽幫手,

但有幾日Allison嫲嫲又唔得閒喎, 最終我就自動請纓提議去睇住Allison

o個日一早九點就去到表姐屋企, 跟住佢交代下Allison lunch食咩,

有咩電視節目佢鍾意睇, 同埋有咩活動可以同佢做, 之後佢就出門返工.

玩左一陣Play-Doh, 睇左一陣電視, 食左少少野, Allison就嚷著要出去草地玩.

佢想玩滑梯, 但濕濕地, 我咪叫佢去攞紙巾抹......

我都有玩架... 但條滑梯實在太短, 個亭又太矮, 上到去都企唔直!

上邊張相係26個月大既Allison影既......

家陣D小朋友真係叻! 一攞左部相機就識影相, 連按邊個掣都即刻知.

平時叫D大人幫我地影相, 佢地搞左一輪都未必搵到個掣

玩完草地, 佢話要去屋企個前院行下, 仲響度摘花

玩完花, 又去玩狗... 細路, 你肯瞓未架

上個禮拜有好多功課做, 所以我都無覺好瞓, 仲諗住等佢瞓覺時可以做下野,

點知....... 佢咪係咁玩, 唔瞓囉, 搞到我陪佢睇緊電視時都攰到瞓左陣

本來仲好開心佢無開大, 唔駛我幫佢換"S"片, 最弊......

我同佢玩緊既時候, 突然聞到陣臭味, 心知不妙

佢唔肯換片, 仲響度喊... 當然我都唔理得咁多, 咁臭... 點都要換架!

結論: 湊仔係攰過返工...... o靚仔係玩人地既好