笑哈哈的紫色蘿蔔 (Feb 21-22, 2010)

星期日從冰箱攞左包笑哈哈薯餅出黎, 整左個smiley brunch!

外星人來襲啊 原來今仔同佢地係同類

星期一去超市諗住買白蘿蔔黎炆牛肉,

點知比我見到呢隻韓國紫色蘿蔔, 好似幾靚喎!

於是, 我就買左佢返屋企試下! 炆完之後同白蘿蔔差唔多

新春感恩聖祭暨祭祖大典 (Feb 20, 2010)

黎左美國後, 今年係第二次參加新春彌撒暨祭祖

原來祭祖彌撒係兩年先舉辦一次, 而今年就揀左響主教座堂舉行!

難得黎到主教座堂, 當然要做下遊客必做既事---影相 

今次唔係第一次黎, 但真係好日都唔會黎一次架!

真係好隆重其事噃!

有舞龍﹑舞獅﹑中國舞﹑佘山聖母﹑連洛杉磯樞機主教都黎埋

我第一次見佢咋(我諗) 其實對於D神父係邊個,

我都唔係好搞得清, 但見到有咁多神父同主教,

都睇得出今次彌撒陣容鼎盛

連白人都入黎參觀同影相, 我諗呢個可能係響downtown舉行既原因之一!

想知道當日詳情, 可以到:

http://hk.myblog.yahoo.com/hkguy-la/article?mid=31

On Diet Again (Feb 22, 2010)

Yeah, 我就黎可以返香港啦

為左迎接香港既美食, 我要響呢兩個禮拜減少食量

與此同時, 今仔亦要響呢段時間增磅

因為佢返親香港都會瘦架, 都唔知佢咩構造

我:「我好肥啊! 我要減肥呀!」

今仔:「你都唔肥, 做咩要減肥喎!」

我:「我要返香港見人嘛!」

今仔:「咁咪好囉! 佢地咪知道我養到你肥肥白白囉」

我:「咁D人實以為我虐待你啦」

因為以上既對話, 所以我決定谷肥今仔 

由今週開始, 我會預備好多野食比今仔帶返公司,

有雞蛋﹑三文治﹑飯盒同生果!

晚飯後有甜品, 臨瞓前又有朱古力奶

而我自己就開始左菜湯減肥法, 希望會有效啦

又生日呀你!!! (Feb 16, 2010)

唔明點解今仔每年今日都慶祝幾次又農曆, 又西曆!

某日, 我同今仔講:「你一年生兩次日, 咁你而家應該係一個阿伯啦喎!」

今仔答: 「係啦, 我都唔知點解要慶祝咁多次! 好快又會有第三次慶祝」

我: 「點解呀? 我無諗住再同你慶啦喎!」

今仔:「再過幾日就係人日啦嘛! 」

於是, 今仔既第二次生日慶祝就響一間法國餐廳度過!

皆因當晚我要返學, 要八點半先返到屋企, 最後要成九點先去到搵食!

可以想像大部份既餐廳已經過左last order時間,

好彩呢間餐廳仲比我地入, 而且都幾好食 (有D喜出望外)

食物詳情可參閱:

http://hk.myblog.yahoo.com/hkguy-la/article?mid=8&suc=1

***其實, 我寫返blog係因為今仔都開左個Yahoo! Blog啦***

最後, 返到屋企, 我又拎左我自己整既tiramisu出黎!

今仔被嚇親 (驚嚇個嚇), 因為佢已經又飽又攰!

我唯有迫今仔影幾幅相, 吹下蠟燭, 留返聽日再食

今仔, 生日快樂! (Feb 12, 2010)

今仔今日農曆生日, 我特登叫佢放假!

hehe, 其實係因為我星期五唔駛返工, 又唔駛返學,

所以乘機要佢陪我

雖然話今日係佢牛一, 但佢一早又要執屋,

成個下晝又要做司機, 又要陪我行街買野!

最後, 仲要遇正三年黎我經歷最嚴重既塞車

平時半個鐘既車程, 今晚用左成兩個鐘!

剛好今仔阿叔從三藩市落黎過年, 順道可以同今仔慶祝生日

可憐今仔連生日都要自己去等位, 仲要等成個鐘!

最搞笑係我唔記得帶銀包, 所以今仔仲要自己俾錢埋單

似乎係我生日, 多過似佢過生日

特地為今仔整既綠茶紅豆芝士蛋糕!

第一次整算係咁啦

聖灰主日 (Feb 17, 2010)

是日聖灰主日

估唔到黎左兩年幾, 今仔先第一次同我去!

佢堅持話每年都有去, 但我就好懷疑囉!

我既結論係:

1. 佢根本過去兩年都無去到

2. 一係佢無同我講, 自己靜靜雞去

留意今仔額頭, 突然覺得佢很可愛!

於是, 我不斷為今仔影相, 並要求每晚都幫佢在額上畫上十字架

今日係煎糕日, 因為今仔話要齋戒, 但其實蘿蔔糕同芋頭糕都有肉喎!

我朝早為今仔煎既糕, 比佢帶返公司!

今仔夜晚煎既糕!

煎糕黎講, 今仔既手勢比我好, 所以我順理成章等食

好掛住媽子煎既年糕呀

虎年一點也不苦

我返黎啦! 恭喜發財, 新年進步

虎年開始左幾日, 我屋企既喜事已經接踵而來

大年初一打電話回港同媽咪拜年,

哥哥親口同我宣佈佢十二月結婚既消息!

我先係驚訝, 繼而係"登"佢高興

今仔表哥亦將會響十月於加拿大拉埋天窗!

跟住, 先係表姐有喜, 再來表嫂有B, 跟住加拿大既表嫂亦宣佈有左

唔知佢地係唔係夾埋一齊生既呢

排住隊響八﹑九﹑十月生B

希望好事繼續黎!