情人節朱古力

情人節無點預備禮物比今仔, 唯有當呢份係啦!

其實, 我似買黎比自己玩多D

咁多朱古力, 睇怕今仔收到都覺得係虐待

First Dance

估唔到同今仔跳既第一隻舞竟然係喺結左婚後既19個月

星期六晚, 我地出席左Church舉辦既情人節餐舞會,

去到跳舞時段, 我同今仔講不如出去跳下啦, 估唔到佢竟然話好

舊年既同一場合, 我都有問過同一樣野,

但今仔點都唔濟, 我無佢乎, 唯有陪佢齋坐

其實, 我地兩個都唔識跳舞, 但據今媽教路,

跳四步只要跟住音樂節奏踏步就得架啦

唔知係唔係我同今仔高度上有段距離, 亦或係我手短,

跳舞時要我將隻手擺響佢膊頭度都幾唔舒服,

於是我選擇左攬住佢條腰(or  肚腩)

回家了!

爸爸﹑媽咪星期日晚上左飛機返香港啦

在佢地逗留既十一日內, 我同今仔日日都要車出車入,

更要絞盡腦汁安排每日既節目, 搞到覺都唔夠瞓,

好彩天主保祐, 出入平安

有次我駕車時真係爭D撞到隔離架車,

車上乘客都大叫, 幸好扭軚扭得切, 最後都安然無恙

星期一晚放工回家後, 突然覺得情緒低落,

可能係掛住爸爸﹑媽咪所致!

佢地響度時又覺得佢地煩同嘮叨, 但佢地返左香港後,

成間屋靜晒, 無咁熱鬧, 我又唔慣喎 (真係矛盾啦)