條氣唔順

本來以為差唔多好返, 點知星期六晚同阿爸講電話,

佢叫我小心感冒完會哮喘

我o個陣仲"懶"醒咁同佢講, 今次唔會架啦!

黎左都無復發, 好返好多

唉... 呢幾日條氣好唔順, 真係比阿爸講中左

從前隨身攜帶既inhaler, 因為以為自己已斷尾而唔知放左去邊!

放工回家後立刻搜索全屋, 雖然搵唔返一路用開既Ventolin,

但好彩都搵到上次睇醫生時, 醫生比既另一隻inhaler

唯有用住先, 下次去睇醫生要攞定張prescription傍身

講不出聲

呢幾日感冒纏身, 搞到我聲都變埋

正所謂「小病是福」, 本來小小感冒真係唔打緊,

但最大問題係搞到我失左聲, 講唔到野

學校班馬騮仔趁我病攞我命, 講不出聲的我點嗌都無人理

唯有趁週末休息多D, 講少D野養好把聲, 再戰感冒菌