無聊之作

收到CVS flyer, 咁啱Picture Movie DVD特價,

於是今仔建議我試下整

CVS個photo station比Walgreens易用,

可惜隻DVD無得用自選音樂,

要揀返部機入面既歌, 選擇太少

成品如下:

隻碟畫質好清, 最多可以放六十幅相,

但每張相停留時間會減少, 放四十幅相最適中

荷里活碗 (July 17)

是日放工後趕去Hollywood Bowl欣賞郎朗演奏

好彩我地搭巴士去, 唔係就...... 泊車都有排煩!

今次係第二次黎, 但都無準備食物野餐, 淨係帶左朱古力

完全無音樂造詣既我, 覺得郞朗彈奏時感情非常豐富,

動作激昂, 以致滿頭大汗, 還時不時要用毛巾抹汗!

其實我最鍾意既係結幕前既煙花滙演

在郎朗演奏最後一首樂章時,

煙花突然爆發於上空, 令到所有人都嘩聲不絶

郎朗一直在台上演奏, 天上一直放着煙花,

煙火隨住音樂的節奏發放上天, 滿足了觀眾視覺和聽覺感受

今爹萬歲!

某日今仔帶左我去Game Stop逛, 佢諗住呢排要加班,

驚我自己一個響屋企會悶, 打算買部Wii比我玩!

不過, 最後我地都無買到, 一來我覺得嘥錢,

二來我又唔係好打機, 驚買左返黎擺多過玩

點知今晚同今爹﹑今媽食飯後,

今爹從車廂中攞左袋野送比我同今仔,

原來就係Wii同傳聞美國已斷貨既Wii Fit

收到呢份禮物真係乍驚乍喜, 又有d唔好意思

在此再次多謝今爹(我的潮爆老爺)

充實的週末

今日第一次響美國做義工,

去左FOOD BANK度做food packaging

http://www.lafoodbank.org/

我負責不斷將兩罐菠菜放入膠袋, 而今仔就負責拆箱

本來都要彎低腰同擰轉身攞罐頭,

但由於有個外國人主動遞埋比我,

所以我其實真係好少野做, 但今仔就好辛苦, 見佢不斷途手開箱,

搞到隻手損晒, 流晒血, 出晒汗, 真係有血有汗

呢排今仔要加班, 難得今個星期六有假放,

但都要晨早起身比我拉去做苦工, 真的十分感謝

返到屋企休息一輪後, 難得勤力的我努力執拾,

抹完廚房, 再洗地板, 然後整理客廳 (真係好難得

)!

哈哈, 何解我咁乖自動自覺去執屋

皆因有客到訪!

以前契爺好鍾意我請朋友仔返屋企,

因為佢話咁樣我先會主動去執野

所以, 每逢契爺想叫我執野時,

佢都會問︰「你幾時請朋友上黎坐呀

」!

同事佩佩今晚登門造訪,

因為佢要我教佢整Tiramisu送比佢男朋友生日,

我只係試過整兩次, 不過跟住食譜造都唔會好難

搞到夜晚十二點, 今仔同我都未食飯,

好彩我地屋企附近有餐廳未閂,

最後去酒樓食左豉椒炒蜆同臘味煲仔飯做宵夜

充實的一天終於完結

又一神秘活動?!! (7/12/08)

星期六一早被今仔拉左出去食早餐,

跟住佢提議去荷里活 好奇怪啊!

今仔無咩特別原因都唔會願意去荷里活,

仲要我都去過o個度幾次! 好有可疑呀

去到商場逛街時, 今仔先肯開估,

原來佢想帶我去El Capitan Theatre睇Wall-E

仲以為今仔係即興諗到既節目,

點知佢係早有預謀一早上網買埋戲飛

一陣我地就會入去後面間戲院睇戲

由於買左VIP tickets, 所以可以提早入場影下相

票價已包飲品及爆谷!

入場等待期間, 可以欣賞鋼琴演奏

出黎啦! 原來係一班迪士尼卡通人物

又點少得米奇呢

今仔幫我影相留念時, 呢兩個人突然攝埋黎

之後就問我地攞tips, 頓時覺到自己身在祖國!

你太好!

上星期四一大早在家整裝準備返工之際,

突然發現今仔不見了

估佢應該去左攞信, 因為佢個背囊同車匙仲響屋企。

過左十分鐘, 今仔終於出現, 於是我咪問佢去左邊

今仔答︰「我去左幫你入油嘛」

真係多謝今仔 由於佢既周到照顧,

以致我駕左車三個月都未試過自己去油站入油!

(其實咁係好事定壞事呢)

到我將近出門口時, 今仔細心的遞上兩隻CD

原來佢將我鍾意聽既森美、小儀「架勢堂」燒成CD,

等我可以一路笑住駕車

今仔實在太好啦!

怪唔知得媽咪見左佢一次都大讚今仔係好男仔啦