早兩日先黎過呢間車行, 向sales問清楚詳情,
仲試埋我架心水Car Car
多得今仔既資料搜集, 我地先可以低息供車,
仲低過銀行存款利率tim
個sales都唔知有呢d plan, 所以今仔真係好叻啊, 抵讚
今朝一早起身, 送左今爹今媽去機場,
跟住我地就駕車返屋企, 再去搭巴士買車車啦!
大家係咪好奇怪, 做咩事我地要去搭巴士呢
皆因我地要買現貨嘛, 今仔一個人駕唔到兩架車返屋企
一係就要搵朋友車我地去
不過以我地唔鍾意麻煩人既性格,
最後寧願搭兩程車, 用左兩個鐘先去到!
企響巴士站等緊第二程車
咁啱我地有張免費巴士飛, 兩個人四程車都唔駛錢, 慳返五蚊
車車順利返到屋企
見今仔琴晚咁乖整炸雞比我食,
我今朝好有靈感地整左款新口味早餐過佢歎,
登... 登... 登... 登... "朱古力多士"
今仔沖完涼出黎, 我就即刻向佢推介我既新嘗試
大家估下佢有咩反應 如下:
「嘩... 咁似一 pat 屎既?!!」
今仔今日買左件新玩具返屋企,
就係上圖既炸炸機
佢好興奮咁埋首響呢件新玩具上,
仲即場試整 "今仔炸雞"
今仔真係好有星級廚師風範,
入得廚房, 出得廳堂
各位睇下 "今仔炸雞" 真係色香味美架, 有相為證
YUMMY
今年係第二次響美國過復活節,
第一次係2006年首次過黎探今仔時
哎吔... 乜美國復活節無假放架
實在令人太唔開心啦
本人認為節日最佳慶祝方法就係放假,
但偏偏呢邊只係得好少公眾假期,
唔似得香港咁, 差唔多每個月都有假放
原來復活節對天主教黎講係好重要架,
所以我地一連四日都要去China Town望彌撒,
今仔響星期五仲要齋戒tim
不過, 天主教守齋只係唔准食肉,
所以今仔仲有好多選擇,
可以大魚, 不可大肉
為左迎接St. Patrick's Day及Easter既來臨,
本人特意尋回早前從99仙店買下的物品,
並漏夜為屋企佈置一番
呢兩個plates係第一次黎LA時響Las Vegas既M & M's Shop度買既!
佢地好巴閉架! 坐過飛機到香港遊覽, 跟住再坐船返黎美國定居
三葉草(St. Patrick's Day既標誌)門簾
飯廳的吊飾, 好多復活蛋啊
閃令令的復活節紙碎鋪滿飯廳的玻璃茶几
由細到大都知每日睇報紙係一個良好習慣,
但從來睇報紙都只會睇娛樂版
讀書時訂既報紙要黎擺多過睇,
最多咪剪報時先揭下
估唔到啱啱黎呢邊時竟然會日日追看無綫新聞,
可能係妟晝既劇集太舊之過
今日坐車時聽到一宗難以想像既新聞, 詳情如下:
美國Kansas有一名女子坐在男友屋企的馬桶足足兩年, 坐到皮肉與廁板相連
http://www.cnn.com/2008/US/03/12/woman.stuck.on.toilet.ap/index.html?section=cnn_latest
最近追看台灣大選消息, 心生疑問:
是否每一個國家都應享有投票選領導人既權利?
假若那國家仍在開發中, 人民教育水平很低,
那麼他們會否只聽片面之詞而被誤導呢?
且看今年台選會否又有兩顆神秘子彈令綠營「逆轉勝」!
