今年係我第一次響美國過聖誕! 因為有好多親友由美﹑加各個地區黎到,
所以覺得響度過聖誕都好熱鬧﹑好開心
感恩節後很多家庭已將屋外鋪滿聖誕燈泡裝飾,
每天放工駕車回家都會欣賞到不同家庭既精心傑作, 令我讚嘆不已
我已約好今仔要趁這星期放假去影燈飾, 希望安排到時間啦
雖然不能觀賞香港既燈飾同商場既巨型聖誕樹,
但洛杉磯的聖誕節卻有另一番風味
(圖左) 新買既聖誕裝飾
(圖中) 無諗過會收到聖誕禮物, 但最後竟然有咁多!
(圖右) 用自家焗Gingerbread Man ornament佈置聖誕樹
Merry Christmas & Happy New Year!
全日都烏雲密佈, 幸好無落大雨, 否則邊到都唔駛去(今仔唔鍾意落大雨駕車)
夜晚去左契表姐﹑契表姐夫(自滿月時已契左契媽全家
)屋企食飯,
同場仲有首次見面既契表姐契女, 同契女兩個朋友仔(好多"契"啊)!
晚餐餸菜包括: 牛排﹑薯蓉﹑蒜蓉包﹑蔬菜﹑牛尾湯, 好豐富
傾下計﹑睇下相﹑食下餅﹑飲下茶, 話咁快又夠鐘駕車返屋企,
臨走時仲有聖誕禮物收, 名正言順又食又拎
我是一隻大頭蝦,
由細到大也擅忘,
去到美國亦依舊,
何時才會有改善
睇黎我呢個"大頭蝦"病情有惡化跡象,
黎左美國年半已先後留低過IPOD同戒指響酒店
星期日晚去許留山食糖水, 走時連手袋都唔記得攞, 仲要個幾鐘後先發現
今仔同我立刻駕車返去, 多得侍應哥哥幫我保管手袋, 好彩無唔見野
雖然成日留低野, 但每次都總算有驚無險, 次次都攞得返, 我知未必成日咁好彩
新年願望: "大頭蝦"不再
食過Thanksgiving Dinner, 同今爹﹑今媽一齊切今仔安排既心形驚喜蛋糕
事緣佢早一日靜靜雞偷運左個蛋糕返今家, 可惜在最後關頭被今媽踢爆了
剛好今年生日在感恩節後, 名正言順可以大肆shopping買野
放假唔鐘意駕車既今仔, 應承同我去outlet midnight shopping,
對於佢黎講係一大犠牲, 又係一大折磨
夜晚十一點半開車, 差唔多去到freeway出口開始塞車, 兜路加埋搵位泊車,
最後凌晨一點半先去到outlet
真係好多人呀! 好似假日既銅鑼灣, 一去到時好興奮,
因為從未見過洛杉磯凌晨都有咁多人
行左三個幾鐘, 最後只係去Crabtree買左六十蚊野, 睇黎我唔係太愛買野
朝早六點幾返到屋企, 瞓左三個鐘再戰IKEA
下午返到屋企, 再瞓一小時, 又要裝身出發去今仔預備既神秘地方!
今年生日既神秘慶祝活動就係去左Orange County Medieval Times睇tournament同食dinner!
排排坐, 食飯飯, 睇表演, 打打氣
表演以「公主選夫婿」開始, 跟住有動物(以馬為主)表演,
最後少不了騎士決鬥既環節
後記:
Black Friday既戰利品, hehe... 好似太過小兒科
本來以為差唔多好返, 點知星期六晚同阿爸講電話,
佢叫我小心感冒完會哮喘
我o個陣仲"懶"醒咁同佢講, 今次唔會架啦!
黎左都無復發, 好返好多
唉... 呢幾日條氣好唔順, 真係比阿爸講中左
從前隨身攜帶既inhaler, 因為以為自己已斷尾而唔知放左去邊!
放工回家後立刻搜索全屋, 雖然搵唔返一路用開既Ventolin,
但好彩都搵到上次睇醫生時, 醫生比既另一隻inhaler
唯有用住先, 下次去睇醫生要攞定張prescription傍身
呢幾日感冒纏身, 搞到我聲都變埋
正所謂「小病是福」, 本來小小感冒真係唔打緊,
但最大問題係搞到我失左聲, 講唔到野
學校班馬騮仔趁我病攞我命, 講不出聲的我點嗌都無人理
唯有趁週末休息多D, 講少D野養好把聲, 再戰感冒菌
