近況

開始了第二年的教學生涯, 仍舊係一個字: 「忙!」

除左教書、備課，一星期有兩日我會為學生補課, 另一日就係搞學會既野. 有時放學後要去上堂, 因為要攞正式教師牌, 仲要做功課. 跟住, 星期六又要上堂培訓, 加上每個星期日都要返church教兒童道理班, 同上成人慕道班, 所以都無時間update個blog

早幾日正式完成入籍既手贖, 仲申請埋US Passport, 登記埋做選民, 下個禮拜仲可以去投票添!

琴日上慕道班時, 導師叫我地諗下改咩聖名. 佢send左兩個websites比我地參考, 可以睇番個聖人既事蹟, 學習o個位聖人, 同祈求佢保佑, 做我地既guardian angel!

今日同今仔text message談論揀咩聖名時, 發現一件驚人既事!

原來我地對大家幾時開始拍拖既日子係有出入

今仔係覺得佢第一次打電話比我同我講生日快樂o個日就係我地既拍拖紀念日, 但我就計我地正式確認對方為男、女朋友o個日.

我地一路都無慶祝拍拖紀念日, 只係慶祝相識紀念日, 但估唔到結左婚五年幾後, 比我無啦啦發現呢樣野有d搞笑