恐怖既捐血體驗 + 緣味Younique Cafe (Sept 7, 2012)

又收到電話叫我捐血啦! 約左星期五放學去, 本來可以約響Labor Day long weekend 前, 但好彩無咋! 一來o個日放學同同事happy hour, 二來o個日有d傷風.

話說我做完野五點半去到捐血站, 攞左d snacks食, 同飲定cranberry juice同水, 皆因我全日只係食左一個包同飲左一碗湯, 所以都係打定底好

其實我係啱啱黎period, 都唔知捐唔捐得. 我個同學話佢會test你既iron夠唔夠, 夠既話都可以捐, 而我係驚捐完血之後好辛苦.

幾番掙扎之後, 都係去左捐啦, 雖然今仔係叫我唔好捐既

我有問個staff period可唔可以捐血架, 佢同我test左我既iron level係12.5, 啱啱夠數可以捐. 佢話如果低過12.5就唔可以捐架啦, 咁都好... 原來我period既時候, iron既含量都好高... 得個知定嘛

響部電腦度答完一輪問題後, 有另一個staff黎問我野, 再同我去抽血! 個staff心口有個牌寫住Western District Instructor I, 我心諗一定好勁啦! 因為我次次去親D職員都叫其他人黎睇我既血管, 幾個人睇完先幫我抽, 但今次個staff好似好pro咁, 一黎就搵橡筋紥住我手臂, 之後唔得, 又用血壓計幫我綁, 之後再用marker畫低個位置. 點知.......

個staff竟然插唔啱位, 插左支針入去, 仲要撩返入個啱既位, o個野真係超痛, 痛到眼水都標埋, 仲有好唔舒服既感覺. 佢仲問我駛唔駛掹返出黎! 我心諗掹完再插咪又痛多次, 所以幾辛苦我都忍埋佢. 我平時五分鐘可以捐完一包血, 但今次用親力鍊住個球就會痛, 所以我都係好hea咁郁下個球就算. 可能, 佢見到我d血流得慢, 仲特登教我點樣郁同鍊個球. 個staff猛咁同我講sorry, 之後仲要幫我敷ice pad, 抖左15分鐘, 拆埋ice pad就走啦! 隻右手一用力就痛, 駕車時都要用左手, 幾經辛苦終於返到屋企!

敷緊ice pad中!

等到今仔返屋企, 我就話比佢知發生乜事, 佢就當然叫我唔好再去捐血啦!

本來係諗住響屋企煮飯, 但痛成咁都係出街食為妙, 最後今仔提議去緣味Younique Cafe食野.

緣味既野飲真係好抵, 又大杯又好飲, 我地叫左杯芒果雜果冰, 大大杯都只係$4. 為左補返鐵質, 我叫左個牛排, 今仔就叫左個蝦兵蟹將石頭飯. 飲緊個餐湯時, 由於支匙太重, 用力時隻手就痛, 於是今仔就餵我飲, 不過有d embarrassed. 之後, 今仔又要幫我切牛排, 契媽話我食緊韓國餐喎, 因為有專人服侍!

Youniqe Cafe d野真係大份兼抵食, 我地最後打包左三大盒食物返屋企!