今仔不在家, 呢個禮拜我返學日日都遲到, 每日都瞌眼瞓
今日要響大學上堂, 由早上八點直落到下晝五點, 連食lunch既一小時都被用作開會, 全日呆坐在課室
放學返左屋企休息一陣, 跟住又去左今家食晚飯! 唔知由幾時開始, 我同今媽、今爹都可以單獨相處, 已經做到一家人咁
大概係由今媽去年患病開始, 當時我每日都會車出車入, 陪佢去睇醫生. 之後, 去到年尾, 今媽跌傷隻腳, 我就每日下晝返今家煮野比佢食, 慢慢傾下, 發覺今媽都唔係一個難相處既人! 最意外係佢同今爹下個星期返香港, 今媽話佢會約我爸爸、媽咪飲茶, 我真係覺得今媽好識禮數
夜晚返到屋企, 同今仔講電話, 知道佢病左, 好擔心! 我個心即係諗: 「去悠閒度假都會病既
」唔知佢係唔係患左相思病呢
十月九日
仲有15分鐘我就要出門同今爹、今媽上加拿大啦
我已經準備好一大袋藥比今仔!
你自己都小心啲，多洗手，留意附近有無人病要避開。 可能多數奶奶都會同新抱先保持距離，因為以為個新抱搶咗個仔，又驚佢 教壞自己個仔，通常都要一段時間，知道我哋唔係壞人，仲好孝順，佢哋先會慢慢改變先入為主嘅諗法。又有可能佢哋以前啲奶奶一代一代都係咁呢！
ReplyDelete[版主回覆10/18/2010 10:13:00]我通常一去新學校都會病, 好彩今年無, touch wood
今媽都好好, 由細到大都教今仔要擔起頭家, 我諗佢都無覺得我搶左佢個仔. 只係, 大家都唔係識左好耐, 需要時間相處, 同埋始終係兩個家庭, 屋企文化好唔同, 而家適應左就好好多!
出發去加拿大玩得開心D呀﹗今仔見到你之後，應該會好番架啦﹗哈哈﹗ 我都覺得可能你同奶奶之間因為有著一些事，而會令到你奶奶對你另眼相看﹗我都應同ceci08所講，奶奶始終都係對新抱先保持距離，最大原因莫過於係因為你同左佢個仔一齊嘛﹗ 不過，點都好啦﹗而家個關係咁好，真係好好呀﹗主動開口話會約你爸爸媽媽飲茶﹗SO GOOD呀﹗
ReplyDelete[版主回覆10/18/2010 10:08:00]今媽都係咁講 其實係大家都唔係好熟, 當然初頭就會好見外, 家陣相處耐左, 加上父母不在身邊, 都自己成為自己家人啦!
加拿大都好多人病呀, 我好多客人都輪流病, 流感肆虐。 你著多件衫, 小心身體玩得開心點~
ReplyDelete[版主回覆11/04/2010 10:01:00]可能有得去玩, 所以無事, 但呢排就真係病左啦!