今日要去做面面, 今仔由琴晚就開始好擔心
皆因只係星期六試過佢駕車到o個度附近, 沿路講解左路程
約左十點半去到美容中心,
於是今仔就提議今朝同我一齊去食早餐, 再護送我去
今仔出到早餐引誘, 我抵受不住唯有答應比佢跟車尾!
早餐誘惑, 問誰能抵擋
(仲有無限量添飲檸茶及港式奶茶, 附送煉奶)
多麼憂心既今仔
我聽日又要離家出走lu, 仲要駕一條無試過既路,
而今仔都只係駕過我去一次!
佢又想做跟車大使, 哼! 我今次先唔會上當呢
我會證明我係有方向感既, 就算蕩失路, 我都識返屋企
後事如何, 請看下回分解
嘩~茶餐廳!!! 你就好啦! 美國咁輕易食到!
ReplyDelete[版主回覆05/09/2008 18:05:00]你地o個邊有無茶餐廳架? 有無d唐人market呢
買部GPS, 咁就唔駛驚啦! 我成日都蕩失路要打電話俾老公求救, 最後佢買咗部GPS俾我. 嘻嘻!
ReplyDelete[版主回覆05/09/2008 18:04:00]我有架! 不過無用到, 跟住今日回程時又唔信部GPS, 唔聽佢點 我是多麼的反叛
港式茶餐廳飲野都有得refill?! 噢~我至愛凍檸茶呢!!
ReplyDelete係喎~你好似有GPS架?! 今仔都仲擔心? 不過佢都係緊張你o者...
[版主回覆05/09/2008 18:01:00]係呀! 咖啡﹑奶茶﹑檸茶﹑鴛鴦, 全部都有得refill架 你過黎時同你一齊去食早餐呀!
hehe, 部GPS係一年前買架啦! 初頭就有用, 跟住我又唔駛駕車, 咪擺埋左一二邊囉! 琴晚先搵出黎叉電, 本來今仔set好晒路程, 點知今朝我出車時無晒喎! 好彩我都去到咋
搭個訕先... 小梁太 , 美國唔係咁輕易食到茶餐廳!! 係MayMay幸福住係LA咋!! 我呢d可憐鄉下人啊!!
ReplyDelete[版主回覆05/09/2008 17:50:00]LA係一個好似香港既地方, 除左D交通, 同埋勁大之外
u need to learn how to use gps
ReplyDelete[版主回覆05/10/2008 11:06:00]你琴晚又唔教我
你有GPS未好，我無呀~ 萬一蕩失路都要靠自己揀路返屋企... 但我老公同你老公完全相反，佢叫我自己爛多D街，唔洗下下等佢day off先去
ReplyDelete[版主回覆05/09/2008 17:48:00]你老公好搞笑, 成日同今仔唱反調
要去茶餐廳, 就要出london先有了~ 我老公住個度就無啦~~~
ReplyDelete[版主回覆05/10/2008 11:06:00]你地要幾耐先去到London架
都要揸1個鐘車ga~ 所以基本上都唔會點出去london的~ 自己住個town有酒樓既, 不過英國食野的確好貴, 所以都係少食
ReplyDelete[版主回覆05/11/2008 11:51:00]美國食野都係, 仲要比稅同tips! 我記得英國外賣唔駛比稅, 所以會見到好多人響公園食lunch