收到車牌啦! 唔係我, 係我架車呀
鑲車牌前影返幅相先
努力地拆螺絲
唔明何解架車跟得兩粒螺絲, 環保啩
終於大功告成, 擒上架車影返張相先!
我最鍾意擒樹, 同埋公園既鐵架, 細個就鍾意擒櫃
本來諗住擒上車頂架, 但比今仔阻止左
今仔最後都忍唔住出手, 佢話螺絲鑲斜角穩陣D喎
後記:
為免引起誤會, 等我解釋返先
以下呢個先係真既樣, 但已經比人攞左, 輪唔到我啦
不過, 今仔仲有機會
大家不妨去呢度:
https://vrir.dmv.ca.gov/ipp/PerLicensePlateServlet
睇下心水車牌比人攞左未
今日下晝去左新開張既京華酒樓飲茶
一看餐牌便有似曾相識既感覺, 想了一會,
才醒起原來和海港大酒樓既點心菜式簡直如出一轍
兩個人點了六樣點心:
1. 鮮蝦銀針粉
材料十足, 有火鴨絲﹑椒絲和韮黃, 當然少不了鮮蝦!
2. 滋味芝麻包
今仔攞住個包時, 諗住個包會流出黑色既芝麻餡,
點知其實呢個係麻蓉包, 唔會流沙架
不過, 真係好耐未食過麻蓉包,
就算響香港都唔係間間酒樓有得食架!
3. 鬆化粟米酥
我覺得應該叫粟米花枝餅囉!
點睇呢舊都唔係「酥」啦! 仲要入邊只得幾粒粟米
4. 古法雞仔餅
由於我睇完點心紙後, 突然好想食雞仔餅, 於是就叫左啦!
不過唔係咁好食, 好鹹架
5. 排骨手拉腸
嘩... 好大碟呀!
雖然同海港既整法一樣, 就係豬腸粉墊底, 豉椒排骨鋪響面,
但呢度就加埋芋頭粒同兩條油菜伴碟
6. 魚翅灌湯餃
未開蓋前仲以為隻餃好細,
打開蓋後先知只係隻碗細, 睇下隻餃塞滿左個碗
由於碗細餃大, 得好少湯, 食到最後唔夠湯灌,
可見載灌湯餃既碗切記要大
總結:
食物味道
服務
本來叫左水仙, 跟住某侍應話無水仙, 於是就開左壼菊花!
點知又有人攞多壼水仙黎,
最後侍應哥哥擺低左, 比我地試下壼水仙喎
地址: 2000 W Main Street, Alhambra, CA 91801
電話: (626) 282-8833
於是我地就搭左地鐵去Griffith Observatory參觀
天文台位於荷里活山南端,
上到去時感覺自己好似身處香港既太平山!
從四周遠眺, 可鳥瞰洛杉磯平原既風貎
天文台內展覽了人類的觀天歷史及工具,
還有關於太陽﹑月亮及元素的展覽
展覽的內容頗深奧, 並非一時三刻可以理解!
我比較喜歡解釋為何有季節﹑日夜﹑潮汐的展館,
因為我難得睇得明
地底的展館是有關銀河及太陽系, 有每一行星的資料。
最喜歡站上去每個行星的磅上, 會發現自己輕了很多,
這是因為每個行星的引力不同所致!
Griffith Observatory有一望遠鏡(Zeiss Telescope)
可讓大眾觀察到月球表面,
但由於天氣關係, 當日暫停開放
位於大堂正中的Foucault Pendulum常擠滿人,
大家都愛圍着觀看鉛球的擺動
這是一個證明地球在轉動的實驗!
Griffith Observatory是免費入場的, 難得
我們另花了$12買飛睇Samuel Oschin Planetarium的節目
— Centered in the Universe, 唔睇走寶!
節目全長三十五分鐘, 坐於半球圓頂劇場內,
感覺就像夜晚躺在草地上觀星一樣,
還有真人現場旁白, 一齊探索宇宙, 真係抵到爛
Griffith Observatory Information:
http://www.griffithobservatory.org/
About Foucault Pendulum:
http://en.wikipedia.org/wiki/Foucault_pendulum
http://www.calacademy.org/products/pendulum/
