食完晚飯, 趁住今仔玩Wii時偷拍了佢既打機照
影完相, 正想搵返個鏡頭蓋吸返好時, 突然發現個蓋唔見左
搵呀搵, 又搵書枱, 又搵客廳, 連睡房﹑廚房﹑垃圾桶都搵埋,
都仍然係無收穫! 最後連今仔都加入埋「搵蓋行動」
我諗我地前前後後都搵左成個鐘, 梳化底同枱底都摷埋!
搞左一輪, 我地都諗住放棄, 今仔仲諗緊不如聽日上Ebay買過,
就響呢個時候, 我腦海浮現起The Sixth Sense既情節:
戲入面話, 如果有d野, 你明明覺得係放響o個個位置,
但搵黎搵去都搵唔到, 咁好可能係比 "o個味野" 攞左黎玩
我咪同今仔講返套戲既情節, 之後再向空氣大叫: 「比返我呀!」
詭異既事就發生啦......
就響我大嗌完, 坐響地下, 又再搵搵下既同時, 個蓋竟然出現返響地下!
實在係太不可思議啦
跟住, 今仔就成晚響度扮比鬼上身, 不過我就覺得似比狗上身多d
經過個半月既籌劃, 我同今仔響琴日終於擄劫左Allison Kay返屋企
可能呢排無乜見琪B, 加上表姐交佢比我時, 琪B又瞓著左,
同埋七個半月大既佢已經識認人同地方啦!
因此, 我地車到佢返屋企, 抱琪B落車時, 佢既神情好奇怪(預期中)!
我諗佢實以為自己比人拐帶
我地用左半個鐘先安撫到佢既情緒, 其實主要係我氹佢咋!
今仔一行近d, 只會令琪B喊得更厲害, 我諗琪B實當左佢係怪獸
琪B扭計中, 不斷用唔同玩具氹佢
餵食中, 簡易方便baby food
窗邊睇風景
今仔教B時間: 睇書﹑飲奶﹑瞓覺
做左五個鐘既褓姆, 實在令我疲倦不已!
當晚十點就要上床休息, 第二朝起身時感到渾身肌肉疼痛
今次湊B發現左一樣野: 原來呢邊沖奶粉興用白開水,
即係室溫既水, 唔駛溝滾水, 真係好方便
省卻了用前臂測試溫度既步驟
二姑媽甚至話: 「有D人響雪櫃攞樽奶出黎就咁餵tim
黎左美國就快年半, 響呢邊做得最多既就係填表
轉身份要填表, 睇醫生牙醫又要填表,
搵工更加要填表, 仲有就係學歷評估!
講緊既表格並唔係簡簡單單填一頁就搞掂,
最精簡既都有三頁紙, 真係煩死人
申請同一個機構唔同職位, 就要每個職位交一份表格,
份表仲要填埋工作經驗同職務簡述.
我試過申請五份工, 填表填左三個鐘, CRAZY
學歷評估又係一件煩事, 首圥要向美國既一間評估機構填表申請,
之後再填返所屬畢業學校既表格寄返香港,
跟住就等佢地寄份transcript去評估機構
由於我講過兩間唔同大學, 咁即係要寄兩份表格啦!
去到o個一刻, 我就諗: 「如果我o個陣讀埋同一間大學咪可以填少份表,
又可以慳返錢同時間!」 當然都係無聊諗下啦, 呢個世界無如果!
又有一日, 填表填到忟, 於是我就問今仔:
「究竟我仲要填呢d表填到幾時架
今仔好認真咁思考, 最後佢得出既答案係:
「呢個填表既遊戲係永遠都唔會完架!」
唉, 真係一世都要填表, OMG
***********************************************************
後記:
星期三晚終於收到我份transcript evaluation report,
雖然駛左$185, 又煩左一輪, 但都好開心
皆因我既GPA升左0.62, 又多左15.5個credits
極力推介: www.wes.org
終於邁出第一步, 第一次上網買衫
一直覺得上網買衫唔係好信得過, 但身邊朋友又係咁買,
於是趁住Victoria's Secret大減價, 就盡地一鋪博下啦!
在此多謝{魚}提供左個$15 off $100 o既 code
值得一讚既係VS既效率, 由落單至收衫唔駛一個禮拜
本來預計九月尾先收到, 點知星期日凌晨落單,
星期二包裹已寄出, 今日傍晚郵差叔叔就送到屋企門口!
不過, 上網買衫真係好易上當,
只係睇相無得睇實物就買始終爭左D
好似以下呢兩件:
我仲以為件黃色係條連身裙, 可以就咁著一件出街,
點知寄到黎先發現其實係好短, 一定要再加褲或裙!
件藍色比我既感覺係一件頭搞掂,
我真係以為藍色裙側邊有白色圍邊,
點知又係我自己以為咋
等到今仔放工返屋企, 我就向佢展示我既戰利品
由於有感被騙, 所以再上網睇返相, 又比今仔睇下!
今仔話:「(黃) 真係咁短喎! (藍) 你有無click入去睇back view???」
我答:「有咩?!! 邊到呀
在今仔指導下, 我先睇到以下既圖片 (為時已晚)
最後, 今仔既結論: 「你買野前無睇清楚既咩
