在106F既炎熱高溫下, 最好都係少出街為妙
唯有躲於家中, 開住冷氣, 繼續煲碟
正當睇緊韓片<<... ing>>時, 電視螢光幕突視黑晒,
原來成間屋都無晒電, 今仔連忙檢查fuse箱, 但都毫無發現
探頭出窗外, 打聽到原來隔離屋都無電,
睇怕都係太多人開冷氣機,
搞到電力負荷過重, 令到整個屋苑停晒電
當時係5:40pm, 經歷左兩小時原始生活後,
天開始黑, 我地覺得唔對路, 籌謀執拾行裝逃難到今家
諗諗下, 都係醫飽肚先, 如果仲未有返電, 先再走難!
最後, 今仔帶左我去附近既Tony Roma's享用晚膳
今仔的St. Louis Rib Sampler + French Fries + Corn on the Cob
On diet既我叫左Bleu Cheese Wedge Chop
計埋貼士, 盛惠US$22, 抵! 皆因我地有$5 off $15 coupon
今仔呢排係咁播港產片, 連續四日睇左五套戲, 一係唔睇, 一係狂睇
星期五: 伊莎貝拉
--- 原來係出左一幕既狗狗個名!
--- 杜生個肚腩好大
星期六: 刺青
--- 梁洛施真係好瘦, 手長腳長, 個樣真係有d似男仔
--- 楊丞琳好可愛, 貫徹其可愛教主風格!
星期日下晝: 去戲院睇 Kung Fu Panda
--- 好好睇, 笑足全場, 好多可愛既動物, 同搞笑既橋段
星期日: 一個好爸爸
--- 結局有d深, 要諗下先明!
星期一: 我的最愛
--- 比<<十分愛>>好睇得多!
--- 葉導演好鬼鍾意玩flashback
JOHANS響殊扮ZOHAN
嘩... 真係老土D都要講句: 光陰似箭, 歲月如梭
舊年既父親節, 我同左爹地﹑媽子去Las Vegas玩,
話咁快已經一年啦!
今年既我星期四先寄禮物返香港比爸爸同爹地,
相信佢地最快都要星期一先收到禮物
遲到好過無到啦! (自我安慰)
不過, 我都好乖架, 星期日凌晨就打左電話返香港,
同兩位父親講: 「父親節快樂!」
到左星期日下午, 今仔同我去左酒樓搵定位,
同今爹﹑今媽一齊飲茶, 今媽仲提議夜晚食西餐
我簡直兩眼發光呀
飲完茶, 我地就一齊返屋企拆禮物
父子合力, 拆呀... 拆呀...
睇下今爹個樣幾舒服
夜晚去左Arroyo Chop House据排
Half sour dough, half garlic bread
今仔: New York (Aged for 40 Days) 今爹: Filet Mignon
今媽: Rotisserrie Chicken 我: Filet Mignon
甜品: Souffle - Grand Marnier (前) Chocolate (後)
父親節慶祝日大合照
後記:
今年父親節大破財, 駛左勁多錢
因為舊牛排真係好好味, 仲有個梳乎厘,
個waitress係我響美國遇到serve得最好既, 超讚
http://www.yelp.com/biz/arroyo-chop-house-pasadena
雨點今個禮拜由聖荷西黎到洛杉磯探訪,
咁啱佢下榻既酒店離我屋企三分鐘車程,
真係行都行到去呀
今日下晝成功見面, 真係好開心
我地暢談左兩個鐘便要歸家去
寄望下次既洛杉磯聚會, 各位快D過黎玩呀
星期五晚二姑媽生日, 請左我地去食日本野
唔駛比錢, 必定狂食, 仲食左三款uni菜式,
toro同kobe beef都食埋, 大飽口服
唔知係咪家族遺傳, 原來我都幾飲得,
不知不覺飲左成十幾杯sake, 仍未有醉意
有人斟到我先俾面飲咋! 本身唔好杯中物,
加上飲酒真係傷身, 仲要呢邊d酒勁貴, 所以免得過都唔飲
由於當晚係生日正日, 所以老闆特送我地雪糕做甜品,
仲叫埋員工一齊唱生日歌
是晚同同事唱K, 皆因上圖左二女孩六月生日, 一齊慶祝
好多新歌都唔識唱
六月壽星仔女
